រាជធានីភ្នំពេញ ៖ ជនសង្ស័យម្នាក់លួចគាស់ផ្ទះបើកអ៊ុតសក់មួយកន្លែង ខណៈម្ចាស់ផ្ទះរវល់ចេញទៅខាងក្រៅ ហើយជនសង្ស័យបានចូលលួចឡេប ថប មួយគ្រឿង និងលុយមួយចំនួន រត់គេចខ្លួន តែចៃដន្យសន្តិសុខផ្សារស៊ិនជូរី និង ប្រជាពលរដ្ឋប្រទះឃើញទាន់នាំគ្នាដេញចាប់បានក្រោយផ្សារស៊ិនជូរ ហើយ
រាជធានីភ្នំពេញ ៖ ជនសង្ស័យម្នាក់លួចគាស់ផ្ទះបើកអ៊ុតសក់មួយកន្លែង ខណៈម្ចាស់ផ្ទះរវល់ចេញទៅខាងក្រៅ ហើយជនសង្ស័យបានចូលលួចឡេប ថប មួយគ្រឿង និងលុយមួយចំនួន រត់គេចខ្លួន តែចៃដន្យសន្តិសុខផ្សារស៊ិនជូរី និង ប្រជាពលរដ្ឋប្រទះឃើញទាន់នាំគ្នាដេញចាប់បានក្រោយផ្សារស៊ិនជូរ ហើយនាំគ្នាស្វាគមន៍ម្នាក់មួយដៃ ម្នាក់មួយជើងឡើងទ្រមខ្លួន ។ ហេតុការណ៍នេះកើតឡើងកាលពីវេលាម៉ោង ១០ យប់ ថ្ងៃទី ២០ វិច្ឆិកា ២០១៤ នៅចំណុចផ្ទះលេខ ៥៤ ស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ។
ជនសង្ស័យឈ្មោះលី ណាង ភេទប្រុស អាយុ១៩ឆ្នាំ ស្នាក់នៅម្តុំកាឌីយ៉ា ផ្លូវវេងស្រេង ស្ថិតក្នុងសង្កាត់ចោមចៅខណ្ឌពោធិ៍សែនជ័យ ។ ចំណែកម្ចាស់ផ្ទះប្តីឈ្មោះ ជា វិរៈ អាយុ២៦ឆ្នាំ ប្រពន្ធឈ្មោះ ពិន អាយុ២៣ឆ្នាំ ស្នាក់នៅផ្ទះកើតហេតុខាងលើ ។
ប្រភពព័ត៌មានពីម្ចាស់ផ្ទះរងគ្រោះបានឱ្យដឹងថា នៅមុនពេលកើតហេតុខ្លួនពីរនាក់ប្តីប្រពន្ធបានជិះម៉ូតូឌុបគ្នាចេញទៅក្រៅ ។ ខណៈដែល ជនរងគ្រោះពីរនាក់ប្តីប្រពន្ធជិះចេញបានបន្តិចក៏មានជនសង្ស័យឈ្មោះ ណាងខាងលើនេះធ្វើសកម្មភាពគាស់ផ្ទះជនរងគ្រោះ ហើយបានចូលបានឡេប ថប មួយគ្រឿង និង លុយមួយចំនួន រួចរត់គេចខ្លួន ក៏ត្រូវសន្តិសុខផ្សារស៊ិនជូរី និង ប្រជាពលរដ្ឋប្រទះឃើញទាន់នាំគ្នាដេញចាប់បានក្រោយផ្សារស៊ិនជូរ ហើយនាំគ្នាស្វាគមន៍ម្នាក់មួយដៃ ម្នាក់មួយជើងឡើងទ្រមខ្លួន ។ ក្រោយមកទៀតពេលដែលម្ចាស់ផ្ទះត្រឡប់មកវិញនោះ ក៏ព្រួតគ្នាពីរនាក់ ប្តីប្រពន្ធ វាយជនសង្ស័យបន្ថែមទៀត ។
ក្រោយពេលកើតហេតុជនសង្ស័យត្រូវបានសមត្ថកិច្ចបញ្ជូនទៅសួរនាំនៅប៉ុស្តិ៍នគរបាលរដ្ឋបាលកាកាប ដើម្បីកសាងសំណុំរឿងចាត់ការតាមនិតិវិធីច្បាប់ ។
ចែករំលែកព័តមាននេះ