រាជធានីភ្នំពេញ ៖ ជនសង្ស័យ២នាក់ត្រូវបាន កម្លាំងប៉ូលិសខណ្ឌដង្កោ ធ្វើការឃាត់ខ្លួនបាន ក្រោយពេលធ្វើសកម្មភាពឆក់កាបូបពីស្រ្តីអ្នកដំណើរម្នាក់បានសម្រេចហើយបានព្យាយាមជិះម៉ូតូរត់គេចខ្លួន ប៉ុន្តែរត់មិនរួចទីបំផុតត្រូវបានប៉ូលិសឃាត់ខ្លួបាននិងនាំយកទៅសាកសួរ កសាងសំណុំរឿងបញ្ជូនទៅតុលាការ ។ហេតុការ
រាជធានីភ្នំពេញ ៖ ជនសង្ស័យ២នាក់ត្រូវបាន កម្លាំងប៉ូលិសខណ្ឌដង្កោ ធ្វើការឃាត់ខ្លួនបាន ក្រោយពេលធ្វើសកម្មភាពឆក់កាបូបពីស្រ្តីអ្នកដំណើរម្នាក់បានសម្រេចហើយបានព្យាយាមជិះម៉ូតូរត់គេចខ្លួន ប៉ុន្តែរត់មិនរួចទីបំផុតត្រូវបានប៉ូលិសឃាត់ខ្លួបាននិងនាំយកទៅសាកសួរ កសាងសំណុំរឿងបញ្ជូនទៅតុលាការ ។ហេតុការណ៍នោះបានកើតឡើងកាលពីវេលាម៉ោង ១និង៤៥នាទីរសៀល ថ្ងៃទី២០ ខែវិច្ឆិកា ឆ្នាំ២០១៤ នៅតាមផ្លូវជាតិលេខ២ ត្រង់ចំណុចជិតរង្វង់មូលដីក្រហម ស្ថិតក្នុងភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ ។
ជនសង្ស័យខាងលើ ម្នាក់ឈ្មោះ ហែម ឡូយ អាយុ២២ឆ្នាំ មានទីលំនៅ ក្នុងភូមិត្រពាំងកោះ ឃុំត្រពាំងធំខាងត្បូង ស្រុកត្រាំកក់ ខេត្តតាកែវ និងម្នាក់ទៀតឈ្មោះ ឈិន លី អាយុ២៤ឆ្នាំ មានទីលំនៅក្នុងភូមិជាមួយគ្នាខាងលើនោះដែរ ។ ដោយឡែកស្រ្តីរងគ្រោះដែលជាម្ចាស់ កាបូបមិនទាន់ត្រូវបាន ស្គាល់អត្ត សញ្ញាណនៅឡើយទេ ហើយប៉ូលិសកំពុងធ្វើការស្រាវជ្រាវរកស្រ្តីរូបនោះហើយ ។
តាមប្រភពព័ត៌មានបានឲ្យនៅមុនពេលកើតហេតុជនសង្ស័យខាងលើ បានជិះម៉ូតូ១គ្រឿង ម៉ាកហុងដាឌ្រីមសេ១២៥ ស៊េរី ឆ្នាំ២០០៦ ពណ៌ក្រហម ពាក់ស្លាកលេខតាកែវ 1C-2308 ។ ឌុបគ្នាធ្វើដំណើរ ក្នុងទិសដៅពីត្បូងទៅជើង ចេញពីខេត្តតាកែវ ឆ្ពោះចូលមកភ្នំពេញលុះពេលទៅដល់ត្រង់ចំណុច កើតហេតុ ខាងលើបានឃើញស្រ្តីម្នាក់ កំពុងជិះម៉ូតូតាមផ្លូវ ក្នុងទិសដៅស្របគ្នា ។ក៍បានឆក់កាបូបបានសម្រេច បន្ទាប់មកបានជិះម៉ូតូរត់គេចខ្លួន ចំណែកស្រ្តីតរងគ្រោះ បានស្រែកថាចោរៗ បង្កឲ្យមានការភ្ញាក់ផ្អើលហើយកម្លាំងប៉ូលិស មូលដ្ឋាន បានដេញតាមនិងបាន ស្រែកតាមវិទ្យុទាក់ទងទៅកាន់បណ្ដាគោលដៅផ្សេងៗ ឲ្យជួយពួនស្ទាក់ផងដែរ។
ប្រភពដដែលបានបន្តថា ជនសង្ស័យស្នាក់នៅផ្ទះជួល នៅក្នុងសង្កាត់ដង្កោ ខណ្ឌដង្កោ ហើយក្រោយពេលឆក់បាន សម្រេចជននោះបាន នាំគ្នាជិះម៉ូតូ សំដៅទៅផ្ទះជួល ។ ប៉ុន្តែដោយកម្លាំង ប៉ូលិសដេញតាមរហូតនោះ ទើបជនទាំង នោះបានជិះហួសផ្ទះជួល ដែលខ្លួនស្នាក់នៅ និងបានបត់ទៅតាមផ្លូវ វត្តស្លែង រួចឡើងទៅតាមផ្លូវជាតិលេខ៣ ក្នុងបំណងឆ្ពោះទៅកាន់ខេត្តតាកែវវិញ ។ ប៉ុន្តែពេលទៅដល់ត្រង់ចំណុច មុខសួនឧស្សាហកម្មវឌ្ឍនៈ២ ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ។ ក៍ត្រូវបានកម្លាំងប៉ូលិសស្ទាក់ចាប់បាន បន្ទាប់មក បានបញ្ជូនទៅ កាន់ផ្នែកព្រហ្មទណ្ឌខណ្ឌរង់ចាំការ កសាងសំណុំរឿង បញ្ជូនទៅ តុលាការ។
ចែករំលែកព័តមាននេះ