តេហេរ៉ង់ ៖ ក្នុងខែតុលា ឆ្នាំ២០១៤ ប្រទេសឥណ្ឌាបានទិញប្រេងពីអីុរ៉ង់ច្រើនជាងឆ្នាំមុនដល់ទៅ៦០% ស្របពេលដែលបណ្តារោងចក្រចម្រាញ់ប្រេងជាច្រើនបានរក្សាបរិមាណខ្ពស់ជាងមុន បើទោះជាការចុះហត្ថលេខារវាងប្រទេសមហាអំណាចពិភពលោក និងអីុរ៉ង់អាចនឹងមិនសម្រេចបាននូវកិច្ចព្រមព្រៀងចុងក្រោយ ស្តីពីជម្លោះកម្មវិធីនុយក្លេអ៊ែររបស់ក្រុងតេហេរ៉ង់ក៏ដោយ ។
បណ្តាប្រទេសមហាអំណាចទាំង៦ រួមមាន អង់គ្លេស ចិន បារាំង អាល្លឺម៉ង់ រុស្ស៊ី និងសហរដ្ឋអាមេរិក កំពុងចរចាជាមួយអីុរ៉ង់ដើម្បីរឹតចំណងនៃកិច្ចព្រមព្រៀងនោះនៅក្នុងការដោះដូរចំពោះការលើកលែងទណ្ឌកម្មសេដ្ឋកិច្ច និងដើម្បីធានាបានថាសកម្មភាពនុយក្លេអ៊ែរអីុរ៉ង់មិនមែនជាគោលដៅនៃការផលិតគ្រាប់បែកឡើយ ។ ចំណែកប្រទេសអីុរ៉ង់បានថ្លែងថា ការងារនុយក្លេអ៊ែររបស់ខ្លួនសម្រាប់តែតម្រូវការថាមពលស៊ីវិលតែប៉ុណ្ណោះ ។
គួរបញ្ជាក់ថា ប្រទេសឥណ្ឌាគឺជាអតិថិជនប្រេងធំបំផុតរបស់អីុរ៉ង់់ បន្ទាប់ពីចិនដែលបាននាំចូលប្រេងឆៅ ៣០៩.៩០០បារ៉ែល ក្នុង១ថ្ងៃ ក្នុងខែតុលា ។ តាមតួលេខបង្ហាញថា ការនាំចូលប្រេងសរុបទាំងអស់របស់ឥណ្ឌាក្នុងខែតុលា មានចំនួន៣,៦៣លានបារ៉ែល ក្នុង១ថ្ងៃ ថយចុះ៣,៤%ធៀបនឹងរយៈពេលដូចគ្នាកាលពីឆ្នាំ២០១៣ ។ ចំណែកក្នុងអំឡុងពេល១០ខែដំបូងធ្លាក់ចុះ៣,១% ។
ជាមួយគ្នានោះដែរ ភាគហ៊ុននាំចូលប្រេងឥណ្ឌារបស់់អីុរ៉ង់ ស្ថិតនៅកម្រិង៧,២% ធៀបនឹងអត្រា៤,៩% កាលពីឆ្នាំមុន ។ រីឯការទិញប្រេងពីមជ្ឈិមបូព៌ាសរុបធ្លាក់ចុះ៨,៩% ខណៈការនាំចូលពីតំបន់អាហ្វ្រិក និងអាមេរិកឡាទីនកើនឡើង ៕
ចែករំលែកព័តមាននេះ