តម្រូវការមាសក្នុងស្រុករបស់វៀតណាមធ្លាក់ចុះខ្លាំង
ហាណូយ ៖ តម្រូវការមាសក្នុងប្រទេសវៀតណាមហាក់ថយចុះយ៉ាងគំហុកពីមួយត្រីមាសទៅមួយត្រីមាស គឺ២៧%ចំពោះបរិមាណនិង២៩%ទៅលើតម្លៃ ក្នុងត្រីមាសទី៣ ឆ្នាំ២០១៤ ។
ហាណូយ ៖ តម្រូវការមាសក្នុងប្រទេសវៀតណាមហាក់ថយចុះយ៉ាងគំហុកពីមួយត្រីមាសទៅមួយត្រីមាស គឺ២៧%ចំពោះបរិមាណនិង២៩%ទៅលើតម្លៃ ក្នុងត្រីមាសទី៣ ឆ្នាំ២០១៤ ។
តាមរបាយការណ៍នៃការប្រើប្រាស់មាសលើសកលលោករបស់ក្រុមប្រឹក្សាមាសពិភពលោកបញ្ជាក់ថា ការប្រើប្រាស់មាសដែលបានចុះបញ្ជីរបស់វៀតណាម ក្នុងត្រីមាសទី៣ សម្រេចបាន១៩តោនស្មើនឹង៧៨៣លានដុល្លារ ។ ចំណែកកាលពីខែកញ្ញាប្រទេសនេះ បានប្រើប្រាស់មាសរហូតដល់ទៅ៧៩,៣តោនស្មើនឹង៣,២៧៥ពាន់លានដុល្លារ ថយចុះ១៩%លើបរិមាណ និង៣០%ទៅលើតម្លៃ ។
តាមចំណាត់ថ្នាក់របស់ក្រុមប្រឹក្សាមាសពិភពលោក ប្រទេសវៀតណាម គឺជាអ្នកប្រើមាសច្រើនជាងគេបំផុតទី៧លើពិភពលោកកាលពីឆ្នាំ២០១៣ ជាមួយនឹងបរិមាណប្រើអស់៩២,២តោន ស្មើនឹងទឹកប្រាក់៤,១៦ពាន់លានដុល្លារ កើន២០%ពីមួយឆ្នាំទៅមួយឆ្នាំ ។ កាលពីមុននៅពេលសេដ្ឋកិច្ចអស្ថិរភាព ហើយអតិផរណាទ្បើងខ្ពស់ប្រជាជនមានជំនឿទុកចិត្តលើមាសប៉ុណ្ណោះ ។ រីឯបច្ចុប្បន្នមនុស្សម្នាកំពុងស្វែងរកការវិនិយោគភាគហ៊ុននិងអលចនទ្រព្យ និងការផ្ញើប្រាក់នឹងធនាគារអាចផ្តល់នូវគុណប្រយោជន៍កាន់តែប្រសើរត្រទ្បប់មកវិញជាមួយនឹងការប្រាក់ ដូច្នេះហើយទើបតម្រូវការមាសបានដាំក្បាលចុះ ។
គួររំឭកថា ឥណ្ឌានិងចិននៅតែជាអ្នកប្រើប្រាស់មាសច្រើនជាងគេលើពិភពលោក ក្នុងត្រីមាសទី៣នេះ ក្នុងនោះឥណ្ឌាប្រើអស់២២៥,១តោន និងចិនប្រើអស់១៨២,៧តោន ៕
ចែករំលែកព័តមាននេះ