អាមេរិកឡាទីន ត្រូវបានអ្នកខ្លះចាត់ទុកជាដែនដីផលិតឃាតករ សាហា.វៗបំផុតក្នុងលោក។ ឃាតករម្នាក់សម្លា.ប់មនុស្សអស់រាប់ពាន់នាក់ទើបត្រូវចាប់បាន ។ ឃាតករម្នាក់ទៀតសម្លា.ប់និស្សិតម៉ិកស៊ិកអស់៤៣នាក់ ទើបអស់លក្ខណ៍។ ចំណែកឃាតករដែលសម្លា.ប់ជនជាតិប្រេស៊ីលអស់៧០នាក់ដោយ
អាមេរិកឡាទីន ត្រូវបានអ្នកខ្លះចាត់ទុកជាដែនដីផលិតឃាតករ សាហាវៗបំផុតក្នុងលោក។ ឃាតករម្នាក់សម្លាប់មនុស្សអស់រាប់ពាន់នាក់ទើបត្រូវចាប់បាន ។ ឃាតករម្នាក់ទៀតសម្លាប់និស្សិតម៉ិកស៊ិកអស់៤៣នាក់ ទើបអស់លក្ខណ៍។ ចំណែកឃាតករដែលសម្លាប់ជនជាតិប្រេស៊ីលអស់៧០នាក់ដោយគ្មានហេតុផលក៏មិនអាចគេចរួចពីសំណាញ់ច្បាប់ដូចគ្នា ។
ឃាតករម្នាក់ចំណោមឃាតករ សាហាវៗបំផុត
តាមកាសែត Daily Mail ជនឃោរឃៅអាយុ២៦ឆ្នាំ ឈ្មោះ Thiago Henrique Gomes da Rocha ត្រូវចាប់ខ្លួនក្នុងពេល ថ្មីៗនេះនៅក្រុង Goiania ក្នុងរដ្ឋភាគកណ្តាលប្រទេសប្រេស៊ីល ពេលកំពុងនៅក្នុងផ្ទះជាមួយម្តាយ ។ នេះជាលទ្ធផលនៃការសើុបអង្កេតស្រាវជ្រាវពេញ៧០ថ្ងៃរបស់សមត្ថកិច្ចប្រេស៊ីល។ សម្តីសារភាពរបស់ Rocha បង្ហាញឱ្យឃើញថា បើសិនគេនៅក្រៅរង្វង់ច្បាប់មួយរយៈទៀត ពុំដឹងមានមនុស្សរងគ្រោះថែមប៉ុន្មាននាក់ឡើយ ។
នៅស្ថានីយប៉ូលិស Rocha ដែលជាអតីតបុគ្គលិកការពារមួយរូប សារភាពថាគេបានសម្លាប់មនុស្សអស់៣៩នាក់ក្នុងរយៈពេល១០ខែ ។ ថ្វីបើគេនិយាយថា៣៩នាក់ តែប៉ូលិសរកឃើញរហូតដល់៧០នាក់ឯណោះ ។ ប៉ូលិសបានឱ្យដឹងថា ជនរងគ្រោះដោយសារ Rocha ភាគច្រើនជាអ្នកគ្មានផ្ទះសម្បែង ស្ត្រី និងពួកស្រឡាញ់ភេទដូចគ្នា ។ ក្នុងចំណោមនោះស្ត្រីមាន១៦នាក់ ហើយជនរងគ្រោះអាយុតិចជាងគេ គឺកុមារីម្នាក់អាយុ១៤ឆ្នាំ ត្រូវសម្លាប់នៅចំណតរថយន្តបឺសនៅ Goiania កាលពីដើមឆ្នាំ២០១៤។ ជនរងគ្រោះសឹងទាំងអស់ច្រើនតែត្រូវបាញ់សម្លាប់ពេលយប់អធ្រាត្រនៅកន្លែងស្ងាត់ដូចជាសួនច្បារ ឬក្រោមស្ពានជាដើម ធ្វើឱ្យប៉ូលិសឈឺក្បាល ព្រោះឃាតករអត់ដែលបន្សល់អ្វីជាភស្តុតាងសម្រាប់ការស្រាវជ្រាវសោះ ។
ក្រោយពេលតាមដាន និងស្រាវជ្រាវល្អិតល្អន់ជាង២ខែ តាមកាមេរា៉សុវត្ថិភាពនានា ប៉ូលិសរកឃើញថា ជនដៃដល់តែងបើកម៉ូតូពាក់ស្លាកលេខក្លែងក្លាយ ។ លុះមើលក្នុងឯកសារក្រុមស្រាវជ្រាវផ្តោតសំខាន់លើ Rocha ជនដែលធ្លាប់ជាប់ចោទច្រើនដងពីបទលួចស្លាកលេខម៉ូតូរបស់គេ ។ មិនបង្អង់យូរ ប៉ូលិសចូលឆែកផ្ទះ Rocha រកឃើញកាំភ្លើងខ្លីមួយដើម ម៉ូតូមួយគ្រឿង និងស្លាកលេខម៉ូតូក្លែងក្លាយ២បន្ទះ ។ បន្ទាប់មកប៉ូលិសបានឆែកផ្ទះជីដូនរបស់គេទៀត នៅទីនោះរកឃើញកាំភ្លើង និងគ្រាប់ជាច្រើន រួមជាមួយស្លាកលេខម៉ូតូលួចពីគេមួយចំនួនទៀត ។
តាមការផ្សាយឱ្យដឹងរបស់ទីភ្នាក់ងារសារព័ត៌មាន AFP ឃើញថា ពេលត្រូវឃុំខ្លួននៅស្ថានីយប៉ូលិស Rocha ប្រុងធ្វើអត្តឃាតដោយវាយបំបែកអំពូលភ្លើង ហើយប្រើប្រាស់អំបែងអំពូលកាត់កដៃខ្លួនឯង តែសកម្មភាពនេះត្រូវប៉ូលិសទប់ស្កាត់ទាន់ពេលវេលា ។
សម្លាប់មនុស្សដើម្បីបន្ធូរកំហឹង
តាមការបញ្ជាក់របស់ប៉ូលិសប្រេស៊ីល Rocha ចូលចិត្តពាក់ក្បាំងមុខ ហើយជិះម៉ូតូចូលកៀកមុខសញ្ញា លុះចូលកៀកបានហើយគេស្រែក «យើងចោរប្លន់» ទន្ទឹមនឹងស្រែកពាក្យប៉ុន្មានម៉ាត់នេះ ក៏បាញ់ជនរងគ្រោះភ្លាម, បាញ់រួចបើជនរងគ្រោះមានរបស់មានតម្លៃ ឆក់យករបស់នោះយ៉ាងរហ័សមុនពេលបើកម៉ូតូគេចខ្លួន តែបើជនរងគ្រោះអត់មានរបស់មានតម្លៃទេ បាញ់រួចបើកម៉ូតូគេចបាត់តែម្តង ។ ជារួមជននេះចូលចិត្តសម្លាប់មនុស្សជាងចង់បានរបស់ ។
ឧក្រិដ្ឋជន Rocha និយាយថា គេសម្លាប់មនុស្សតាមការប្រទះភ្នែក ភ្លាមៗ គ្មានជនរងគ្រោះមួយណាត្រូវសម្លាប់តាមផែនការគិតទុកជាមុនឡើយ ។ គេថាមានតែការសម្លាប់មនុស្សប៉ុណ្ណោះទើបអាចបន្ធូរកំហឹងពីក្នុងខួរក្បាលបាន គឺ «កំហឹងចំពោះអ្វីគ្រប់យ៉ាងលើលោក» ។ ទោះសមត្ថកិច្ចសួរបញ្ជាក់ច្រើនដងយ៉ាងណាក៏ Rocha នៅតែនិយាយថា គេមានកំហឹងចំពោះអ្វីគ្រប់យ៉ាងលើលោក ។ កំហឹងនោះបើមិនបានសម្លាប់មនុស្សទេ កាន់តែធ្វើឱ្យគេមួម៉ៅខ្លាំងឡើង មិនអាចនៅស្ងៀមបាន ។
យោងលើសំដី Rocha ដែលបញ្ជាក់ដូច្នេះ ប៉ូលិសប្រេស៊ីលកំពុងសើុបអង្កេតបន្តទៀត ក្រែងជនរងគ្រោះមានច្រើនជាង៧០នាក់ដែលបានរកឃើញកន្លងមក ។
កាសែត Mirror លើកឡើងថា Rocha អាចប្រៀបធៀបបានជាមួយ Pedro Rodriguez Filho ឃាតករកំណាចផុតលេខនៅប្រេស៊ីលដែលបានសម្លាប់មនុស្សអស់ជាង១.០០០នាក់ ក្នុងចន្លោះពេលពីឆ្នាំ១៩៦៧ដល់១៩៧៣ ។ ជននេះត្រូវតុលាការកាត់ទោសកាលពីឆ្នាំ២០០០ដាក់គុកចំនួន១២៨ឆ្នាំ ។ ក្នុងពេលជាមួយគ្នានោះមានឃាតករម្នាក់ទៀតក៏សាហាវមិនចាញ់ Filho ប៉ុន្មានដែរ ហើយកំពុងរស់នៅដល់សព្វថ្ងៃនៅឡើយ ឈ្មោះ Luis Garovito ជនជាតិកូឡុំប៊ី ។ ជននេះបានសម្លាប់ក្មេងប្រុសកូឡុំប៊ីអស់៤០០នាក់ ៕
ចែករំលែកព័តមាននេះ