យោងតាមគេហទំព័រឥណ្ឌា DNA India ចេញផ្សាយកាលពីពេល ថ្មីៗនេះឱ្យដឹងថា តារាសម្តែង និងជាផលិតករភាពយន្តអាមេរិក វ័យ៣៩ឆ្នាំ នាងអេនចេលីណា ជោលី បានចាត់តាំងកូនចិញ្ចឹមជនជាតិខ្មែរម៉ាដុក អាយុ១៣ឆ្នាំ ធ្វើជាជំនួយការលើការផលិតខ្សែភាពយន្តថ្មីមានចំណងជើងថា «By the Sea» ជាស្នាដៃនិពន្ធនិងដឹកនាំរឿងដោយរូបនាងផ្ទាល់ ។
នាងអេនចេលីណា ជោលីនិយាយថា «មូលហេតុនាងខ្ញុំជ្រើសយកម៉ាដុក ធ្វើជាជំនួយការផ្ទាល់ខ្លួនព្រោះរូបគេធ្លាប់បំពេញការងារមួយចំនួនក្នុងរឿងUnbroken នៅប្រទេសអូស្ត្រាលីកាលពីដើមឆ្នាំ២០១៤ នេះ ។ ម្យ៉ាងវិញទៀតខ្ញុំជឿជាក់លើសមត្ថភាពម៉ាដុក ពោលគឺរូបគេអាចបំពេញការងារនេះបាន»។
ម៉ាដុកគឺជាជនជាតិខ្មែរដែលត្រូវនាងជោលីយកទៅធ្វើជាកូនចិញ្ចឹមតាំងពីគេនៅតូចម៉្លេះ ៕
ចែករំលែកព័តមាននេះ