ថ្មីៗនេះសារព័ត៌មានចិនបានផ្សាយឱ្យដឹងថា មហាសេដ្ឋីហុងកុងឈ្មោះទិង សៀងឡូអេងអាយុ៤៩ឆ្នាំ បានស្លា.ប់ក្នុងពេលប្រារព្ធពិធីខួបកំណើតរបស់ខ្លួននៅសណ្ឋាគារShangri La ។ សាក្សីមួយចំនួនក្នុងចំណោមភ្ញៀវចូលរួម២១៧នាក់ ដែលភាគច្រើនជាអ្នកនយោបាយ និងអ្នកជំនួញល្បីល្បាញនៅ
ថ្មីៗនេះសារព័ត៌មានចិនបានផ្សាយឱ្យដឹងថា មហាសេដ្ឋីហុងកុងឈ្មោះទិង សៀងឡូអេងអាយុ៤៩ឆ្នាំ បានស្លាប់ក្នុងពេលប្រារព្ធពិធីខួបកំណើតរបស់ខ្លួននៅសណ្ឋាគារShangri La ។ សាក្សីមួយចំនួនក្នុងចំណោមភ្ញៀវចូលរួម២១៧នាក់ ដែលភាគច្រើនជាអ្នកនយោបាយ និងអ្នកជំនួញល្បីល្បាញនៅហុងកុង បានឱ្យដឹងថា ក្រោយសុន្ទរកថាយ៉ាងខ្លីពិធីពិសាភោជនាហារក៏ចាប់ផ្ដើម ។ ពេលនោះមហាសេដ្ឋីទិង សៀងឡូអេង បើកគម្របដបស្រាសាំប៉ាញ ហើយវាផ្លោងចេញពីមាត់ដបត្រូវចំក្បាលបណ្ដាលឱ្យស្លាប់ភ្លាមមិនអាចជួយសង្គ្រោះទាន់ ។
ដំបូងឃើញគម្របដបស្រាសាំប៉ាញខ្ទាតត្រូវក្បាលបែបនោះធ្វើឱ្យមនុស្សមួយចំនួនផ្ទុះសំណើចគិលឡើង តែភ្លាមនោះទាំងអស់គ្នាស្ងាត់មាត់វិញដោយឃើញលោកទិង សេងឡូងអេង ដួលគ្រឹបលែងដឹងខ្លួន ។ មនុស្សម្នាឈូឆរចូលកន្លែងកើតហេតុនាំលោកសេដ្ឋីទៅមន្ទីរពេទ្យ ប៉ុន្តែទោះក្រុមវេជ្ជបណ្ឌិតខំជួយសង្គ្រោះយ៉ាងណាក៏ទិង សៀងលោកឡូអេង មិនអាចឆ្លងផុតពីសេចក្ដីស្លាប់បានទេ ។ វេជ្ជបណ្ឌិតប្រាប់ថា គាត់បានស្លាប់ក្រោយទទួលការសង្គ្រោះជាង១០នាទីដោយសារឈាមហូរក្នុងក្បាលធ្ងន់ពេក ។
លោកទិង សៀងឡូអេង ត្រូវបានទស្សនាវដ្ដី Forler ចាត់ចំណាត់ថ្នាក់ទី៥១ ក្នុងចំណោមមហាសេដ្ឋីនៅហុងកុង ។ លោកជាអាជីវករអចលនទ្រព្យរកសីុកាក់កបខ្លាំងក្នុងអំឡុងឆ្នាំដែនដីហុងកុងផ្ទេរមកឱ្យស្ថិតក្រោមការគ្រប់គ្រងរបស់ទីក្រុងប៉េកាំងវិញ ។
ប៉ូលិសស៊ើបអង្កេតមូលហេតុបណ្ដាលឱ្យមហាសេដ្ឋីទិង សៀងឡូអេង ស្លាប់រកឃើញថាដបស្រាសាំប៉ាញនោះជាស្រាក្លែងក្លាយលួចផលិតនៅប្រទេសចិន ដូច្នេះប្រហែលជាហ្គាស Carbon dioxide ក្នុងស្រានោះខ្លាំងពេកទើបអាចធាក់គម្របដបប៉ើុងបោកក្បាលធ្ងន់រហូតបណ្ដាលឱ្យមនុស្សស្លាប់បាន ៕
ចែករំលែកព័តមាននេះ