រាជធានីភ្នំពេញ ៖ ក្រុមហ៊ុន Smart បានប្រកាសពីការមកដល់របស់ទូរស័ព្ទ iPhone6 និងiPhone 6 plus ហើយនឹងចាប់ផ្តើមផ្តល់ជូនដល់អតិថិជននៅថ្ងៃទី២១ វិច្ឆិកា គឺជាការកត់សម្គាល់មួយដ៏អស្ចារ្យបំផុតនៅក្នុងប្រវត្តិសាស្ត្ររបស់ទូរស័ព្ទ iPhone ។
«ក្រុមហ៊ុន Smart មានសេចក្តីសោមនស្សរីករាយយ៉ាងខ្លាំង ដែលបាននាំមកជូននូវទូរស័ព្ទ iPhone 6 និងiPhone 6 plus មកកាន់ប្រទេសកម្ពុជា» ។
លោក Thomas Hundt នាយកប្រតិបត្តិក្រុមហ៊ុន Smart Axiata បានបន្តទៀតថា «ជាមួយសេវាអុីនធើរណេតដែលមានល្បឿនលឿនបំផុត អាចរកបាននៅក្នុងប្រទេសកម្ពុជាតាមរយៈបណ្តាញ 4G LTE របស់ក្រុមហ៊ុន Smart អតិថិជននឹងអាចរីករាយជាមួយការទំនាក់ទំនងកម្រិតថ្មីដ៏អស្ចារ្យ និងបទពិសោធន៍ស្តីពីពហុព័ត៌មានជាច្រើន» ។សម្រាប់ព័ត៌មានបន្ថែមសូមទស្សនា: www.smart.com.kh ។ សម្រាប់ព័ត៌មានបន្ថែមទៀតនៅលើទូរស័ព្ទ iPhone សូមទស្សនា: www.apple.com/iphone ។
ក្រុមហ៊ុន Smart Axiata Co., Ltd ជាក្រុមហ៊ុនទូរគមនាគមន៍ចល័តធំជាងគេទីពីររបស់ប្រទេសកម្ពុជាកំពុងបម្រើអតិថិជន៦លាននាក់ស្ថិតក្រោម Smart brand ។ នៅក្នុងខែមករាឆ្នាំ២០១៤ ក្រុមហ៊ុន Smart បានបើកដំណើរការបណ្តាញ 4G LTE របស់ខ្លួននិងក្លាយជាប្រតិបត្តិករទូរស័ព្ទចល័តលើកដំបូងនៅក្នុងប្រទេសកម្ពុជាដែលផ្តល់សេវា 4Gពិតប្រាកដ ។ ក្រុមហ៊ុន Smart ក៏បានផ្តល់នូវសេវាអុីនធើរណេតតាមទូរស័ព្ទចល័ត 2G, 2.5G, 3G និង3.75G ដើម្បីទ្រទ្រង់និងសេវាកម្ម អុីនធើរណេតទូរស័ព្ទដៃក៏ដូចជាសេវា Roaming អន្តរជាតិនៅទូទាំងជាង១៥០ប្រទេស។ បណ្តាញគ្របដណ្តប់ទូទាំងប្រទេសយ៉ាងទូលំទូលាយគឺអាចរកបាននៅគ្រប់ខេត្តក្រុងចំនួន២៥ក្នុងប្រទេសកម្ពុជា ។
កម្លាំងពលកម្មរបស់ក្រុមហ៊ុនមានជាង៨០០ នាក់ដែលរួមមានទាំងអ្នកជំនាញក្នុងស្រុក និងបរទេស ។ ក្រុមហ៊ុន Smart បានប្តេជ្ញាចិត្តដល់អតិថិជន បុគ្គលិក និងប្រជាជនកម្ពុជា ផ្តល់នូវការសន្យារបស់ខ្លួនក្នុងការធ្វើឱ្យប្រសើរឡើងនូវជីវិតរបស់ពួកគេ ។ “Live. Life. Be Smart”៕
ចែករំលែកព័តមាននេះ