ខេត្តឧត្តរមានជ័យ ៖ លោកអនុសេនីយ៍ត្រីឡេង សារ៉ាន់ តួនាទីមេប៉ុស្តិ៍ក្បាលទន្សោងហៅប៉ុស្តិ៍ភ្នំត្បាល់អង្គភាពលេខ៩០៥ ប៉ូលិសការពារព្រំដែនគោកកម្ពុជា ថៃដែលបានប្រព្រឹត្តចាប់ក្មេងស្រី អាយុ១៥ឆ្នាំ យកទៅបង្ខាំងទុកក្នុងប៉ុស្តិ៍របស់ខ្លួនវាយដំរួចរំលោភបានសម្រេចកាលពីវេលាម៉ោង៥ល្ងាច ថ្ងៃទី១២ កក្កដា២០១៤កន្លងទៅនេះ ។ ហេតុការណ៍នេះបានកើតឡើងនៅក្នុងភូមិអូរគ្រញួង ឃុំត្រពាំងប្រីយ៍ ស្រុកអន្លង់វែង ហើយត្រូវបានតុលាការខេត្តឧត្តរមានជ័យដោះលេងឲ្យនៅក្រៅឃុំនាព្រឹកថ្ងៃទី៣១ តុលា ២០១៤ ។
ស្រ្តីម្នាក់ឈ្មោះ ឈាត ណាអាយុ៥០ឆ្នាំ ប្តីឈ្មោះ ប៊ុន វិត អាយុ៦០ឆ្នាំ ត្រូវជាឪពុកម្តាយក្មេងស្រីរងគ្រោះបានឲ្យដឹងថារូបគាត់មានកូនចំនួន៦ស្រី២នាក់ ដោយឡែកកូនស្រីដែលរងគ្រោះជាកូនទី៣.ឈ្មោះ ប៊ុន ស្រីរត្នអាយុ១៥ឆ្នាំ ជាសិស្សរៀនថ្នាក់ទី៩នៅអនុវិទ្យាល័យត្រពាំងប្រីយ៍ដែលលោកអនុសេនីយ៍ត្រី ឡេង សារ៉ាន់មេប៉ុស្តិ៍ក្បាលទន្សោង ហៅប៉ុស្តិ៍ភ្នំត្បាល់លួងលោមឲ្យទៅដាំកូនតាង៉ែនកាលពីព្រឹកថ្ងៃទី១១ បានបង្ខាំងទុករំលោភពេញមួយយប់លុះវេលាម៉ោង៦និង៣០នាទីល្ងាច ទើបលោក ឡេង សារ៉ាន់ ដឹកក្មេងស្រីរងគ្រោះទៅផ្ទះហើយ លោក ឡេង សារ៉ាន់ បានលួងលោមនឹងរូបគាត់ជាឪពុកម្តាយថាព្រមរៀបចំឲ្យទៅតាមប្រពៃណីនឹងជួយ (ថវិកា) ចំនួន១មឺុនដុល្លារអាមេរិកម៉ូតូស៊េរីចេញថ្មីចំនួនមួយគ្រឿងតែរូគាត់មិនយល់ព្រមហើយបានទៅប្តឹងប៉ូលិសប៉ុស្តិ៍រដ្ឋបាលឃុំត្រពាំងតាវចាត់ការទៅតាមផ្លូវច្បាប់ ។
ស្រ្តីខាងលើបានបញ្ចាក់ថាបន្ទាប់មកលោក ឡេង សារ៉ាន់ ត្រូវបានសមត្តកិច្ចនាំខ្លួនដាក់ពន្ធធានាគារខេត្តឧត្តរមានជ័យបានអនុវត្តនៅក្នុងពន្ធធាគារបានចំនួន៣ខែ ១៥ថ្ងៃត្រូវបានអ្នកធំជួយធ្វើការអន្តរាគមន៍សម្របសម្រួលនោះរូបគាត់បានយល់ព្រមយកលុយចំនួន៥ពាន់ដុល្លារអាមេរិកបន្ទាប់មកស្រាប់តែឮថាលោក ឡេង សារ៉ាន់ បានចេញពីពន្ធធានាគារខេត្ត ។ ក្រុមគ្រួសាររបស់គាត់មានការព្រួយបារម្មណ៍ថាមិនដឹងថាលោកឡេង សារ៉ានមានគុំនំឬយ៉ាងណានោះទេរូបគាត់ទាំងពីរនាក់ប្តីប្រពន្ធបានបញ្ជូនកូនស្រីដែលរងគ្រោះឲ្យទៅនៅជាមួយមីងមានៅឯភ្នំពេញសូមឲ្យលោកអ្នកមានសមត្តកិច្ចជួយតាមដានពិនិត្យ។
ទាក់ទិនហេតុការណ៍នេះនារសៀលថ្ងៃទី០១វិច្ឆិកា ២០១៤ កោះសន្តិភាពបានទូរស័ព្ទជួបលោកកូយ កាន់យ៉ាព្រះរាជអាជ្ញាអមសាលាដំបូងខេត្តឧត្តរមានជ័យបានឲ្យដឹងថាយោងទៅតាមចម្លើយក្មេងស្រីរងគ្រោះបានបំភ្លឺថាការរំលោភសេពសន្ធវៈគឺជាការត្រូវរ៉ូវគ្នានឹងយោងទៅតាមពាក្យបណ្តឹង លោក ឡេង សារ៉ាន់បានប្រើអំពើហិង្សាវាយលើក្មេងស្រីកាត់ទោសនៅថ្ងៃទី២៩ តុលា ២០១៤មានទម្ងន់ទោសចំនួន៣ឆ្នាំដោយសារតែមានការព្រមព្រៀងគ្នារវាងអាណាព្យាបាលក្មេងស្រីរងគ្រោះរួចរាល់ហើយទើបតុលាការបានដោះលេង ឈ្មោះឡេង សារ៉ាន់ឲ្យនៅក្រៅឃុំបណ្តោះអាសន្ន ។
ចែករំលែកព័តមាននេះ