ខេត្តកំពង់ធំ ៖ កាលពីព្រឹកថ្ងៃទី០១ ខែវិច្ឆិកា ឆ្នាំ២០១៤ នៅស្រុកសន្ទុកខេត្តកំពង់ធំបានប្រារព្ធទិវារំលឹកជនរងគ្រោះថ្នាក់ចរាចរណ៍ផ្លូវគោកលើកទី០៩ ក្រោមអធិបតីភាពលោកស្រី មឹន មាណវី រដ្ឋលេខាធិការក្រសួងសាធារណៈការ និងដឹកជញ្ជូន លោកស្រី ឃួន ឃុនឌី អភិបាលរងខេត្តកំពង់ធំ និងលោក ស្ទីវិន អ៊ីឌីង តំណាងអង្គការសុខភាពពិភពលោក ដោយមានការចូលរួមពីប្រជាពលរដ្ឋជាច្រើនរយនាក់។
លោក ជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ បានអានរបាយការណ៍ស្វាគមន៍ថារាជរដ្ឋាភិបាលកម្ពុជាមានឆន្ទៈយ៉ាងសកម្មក្នុងការទប់ស្កាត់ និងកាត់បន្ថយគ្រោះថ្នាកចរាចរណ៍នៅកម្ពុជាយើងដែលបណ្តាលមកពីកក្កតាសំខាន់៣គឺទី១.កត្តាមនុស្ស ឬអ្នកប្រើប្រាស់ផ្លូវមិនគោរពច្បាប់ចរាចរណ៍បើកបរលឿនលើសច្បាប់កំណត់ បើកបរធ្វេសប្រហែស មានជាតិស្រវឹង មិនពាក់មួកសុវត្ថិភាព និងមិនពាក់ខ្សែក្រវ៉ាត់សុវត្ថិភាពជាដើម ទី២.កត្តាយានជំនិះ យានជំនិះទាំងនោះមិនបានថែទាំ ត្រួតពិនិត្យបច្ចេកទេសតាមពេលកំណត់ ធ្វើឲ្យអ្នកបើកបរមិនអាចបញ្ជាយានជំនិះបាននៅពេលកំពុងបើកបរដូចជាហ្វ្រាំងមិនស៊ី ភ្លើងមិនភ្លឺ និងបែកកង់ជាដើម ទី៣.កត្តាផ្លូវ គឺផ្លូវមានជង្ហុក ផ្លូវកោងខ្លាំង ផ្លូវធំតែស្ពានតូចចង្អៀត និងពុំទាន់បានបំពាក់សញ្ញាចរាចរណ៍គ្រប់គ្រាន់ជាដើម ។
លោកស្រី ឃួន ឃុនឌី អភិបាលរងខេត្តជំនួសមុខឲ្យលោក អ៊ុត សំអន អភិបាលខេត្តកំពង់ធំមានប្រសាសន៍ថា ក្នុងនាមថ្នាក់ដឹកនាំខេត្តសូមអំពាវនាវដល់គ្រប់បណ្តាមន្ទីរ អង្គភាពពាក់ព័ន្ធ អាជ្ញាធរគ្រប់លំដាប់ថ្នាក់និងប្រជាពលរដ្ឋទាំងអស់ត្រូវបង្កើនកិច្ចសហប្រតិបត្តិការគ្នាយ៉ាងសស្រាក់សស្រាំដើម្បីចូលរួមអនុវត្តច្បាប់ចរាចរណ៍ផ្លូវគោកក្នុងខេត្តកំពង់ធំប្រកបដោយប្រសិទ្ធភាពខ្ពស់ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ