ខេត្តកំពង់ឆ្នាំង ៖ ការភ្ញាក់ផ្អើលមួយកើតឡើង ខណៈគេប្រទះឃើញសាកសពស្ត្រីម្នាក់ដេកស្លាប់ផ្កាប់មុខក្នុងទឹកដក់ ក្បែរភ្លឺស្រែមួយកន្លែង កាលពីវេលាម៉ោង៩និង៣០នាទីព្រឹកថ្ងៃទី០១ វិច្ឆិកា ២០១៤ ស្ថិតក្នុងភូមិថ្នល់ថ្មី ឃុំជ្រៃបាក់ ស្រុករលាប្អៀរ ដែលការប្រទះឃើញនេះ ត្រូវសមត្ថកិច្ចសន្និដ្ឋានថា ជាករណីចាប់រំលោភរួចសម្លាប់បំបិទមាត់ ទើបឈានទៅដល់ការចាប់ខ្លួនសង្ស័យបានម្នាក់ក្នុងពេលជាមួយគ្នានោះផងដែរ ។
ប្រភពបានឱ្យដឹងថា ស្ត្រីរងគ្រោះឈ្មោះជុំ កុសល អាយុ៣៤ឆ្នាំ មានប្តីឈ្មោះហេង ចាន់ថន អាយុ៣៦ឆ្នាំ មានកូន៣នាក់ ប្រុស២នាក់ មានទីលំនៅក្នុងភូមិថ្មី ឃុំជ្រៃបាក់ ស្រុករលាប្អៀរ ។
ប្រភពដដែលបន្តថា ស្ត្រីរងគ្រោះជាមនុស្សមានសតិមិនល្អ តាំងពីកូនស្រីស្លាប់ទៅ ។ ស្ត្រីរូបនោះបានបាត់ខ្លួនតាំងពីម៉ោងជាង៣រសៀលថ្ងៃទី៣១ តុលា ២០១៤ ហើយនៅព្រឹកថ្ងៃទី០១ វិច្ឆិកា ប្តីនិងក្រុមគ្រួសារបានដើររកគ្រប់ទីកន្លែងដែលគាត់ធ្លាប់ទៅ តែ
មិនឃើញរហូតដល់ម៉ោងជាង៩ព្រឹក ទើបឮដំណឹងថា ប្រទះឃើញសពនៅទឹកដក់ក្នុងស្រែមានចម្ងាយជាង២០០ម៉ែត្រពីខាង
លិចផ្ទះ ។
ក្រោយពីពិនិត្យ និងធ្វើកោសល្យវិច័យរួច សពស្ត្រីរងគ្រោះត្រូវបានសន្និដ្ឋានថា ត្រូវគេរំលោភរួចវាយសម្លាប់ដើម្បីបំបិទមាត់ ភ្លាមនោះមន្ត្រីនគរបាលបានបើកការស៊ើបអង្កេតភ្លាមជាបន្ទាន់ មិនយូប៉ុន្មាននៅវេលាម៉ោង១២និង៣០នាទីថ្ងៃត្រង់ជនសង្ស័យម្នាក់ត្រូវបាននគរបាលចាប់ឃាត់ខ្លួនផងដែរ គឺឈ្មោះណុប ប៊ុនណា អាយុ១៧ឆ្នាំ មានទីលំនៅជាមួយស្ត្រីរងគ្រោះ ។ នៅចំពោះមុខសមត្ថកិច្ច ជនសង្ស័យបានសារភាពថា រូបគេពិតជាបានវាយសម្លាប់ស្ត្រីរងគ្រោះមែន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ