ខេត្តព្រះសីហនុ ៖ មនុស្ស២នាក់ស្លាប់ និងជាច្រើននាក់ទៀតរងរបួសធ្ងន់-ស្រាលក្នុងហេតុការណ៍គ្រោះថ្នាក់ចរាចរណ៍មួយរវាងរថយន្តឡិចស៊ីស បុកជាមួយម៉ូតូម៉ាកវ៉េវយ៉ាងពេញទំហឹង រួចរថយន្តនោះបានក្រឡាប់ទៅប៉ះជាមួយរថយន្តហាយឡិនឌ័រមួយគ្រឿងទៀត កាលពីវេលាម៉ោង១ និង២៥នាទីរសៀលថ្ងៃទី០១ វិច្ឆិកា ២០១៤ ស្ថិតនៅចំណុចផ្លូវជាតិលេខ៤ គីឡូម៉ែត្រលេខ១៨២+១៨៣ ក្នុងភូមិចំរុង ស្រុកចំរុង ខេត្តព្រះសីហនុ ។
ប្រភពបានឱ្យដឹងថា រថយន្តបង្កហេតុម៉ាកឡិចស៊ីស៣០០ ពណ៌ស្ករ ពាក់ស្លាកលេខភ្នំពេញ2Z 8319 ធ្វើដំណើរពីខេត្តព្រះសីហនុ ទៅរាជធានីភ្នំពេញ លុះមកដល់ចំណុចកើតហេតុ ក៏បុកជាមួយម៉ូតូវ៉េវអត់ស្លាកលេខមួយគ្រឿង (ក្នុងទិសដៅបញ្ច្រាសគ្នា)បណ្តាលឱ្យអ្នកជិះម៉ូតូ២នាក់ស្លាប់នៅនិងកន្លែង រួចក៏ក្រឡាប់ប៉ះជាមួយរថយន្តហាយឡិនឌ័រមួយគ្រឿងដែលកំពុងធ្វើដំណើរស្របទិសជាមួយម៉ូតូ ។
ទោះបីជាបែបណា គេនៅមិនទាន់ស្គាល់អត្តសញ្ញាណសពជនរងគ្រោះនៅឡើយ ខណៈសមត្ថកិច្ចកំពុងត្រួតពិនិត្យធ្វើការដោះស្រាយ និងបញ្ជូនជនរងគ្រោះទៅធ្វើការសង្គ្រោះផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ