ខេត្តស្វាយរៀង៖ មានចោរស្រីវ័យក្មេងម្នាក់ មកពីខេត្តកំពង់ធំ បានធ្វើសកម្មភាពលួចកាត់ខ្សែក កុមារីរងគ្រោះអាយុ៥ឆ្នាំ កំពុងឈមើលពិធីបុណ្យអុំទូក នៅខេត្តស្វាយរៀង ។ ធ្វើឲ្យមានការផ្អើលឆោឡោពេញកន្លែងបុណ្យអុំទូក ពទ្ធ័ចាប់បានភ្លាមៗ យកទៅអធិការដ្ឋាននគរបាលក្រុងស្វាយរៀង ។ ករណីនេះបានកើតឡើង កាលពីវេលាម៉ោង៩និង៤៥នាទីព្រឹក ថ្ងៃទី១ វិច្ឆិកា ២០១៤ នៅភូមិមេផ្លើង សង្កាត់ស្វាយរៀង ក្រុងស្វាយរៀង ។
បើតាមសមត្ថកិច្ចនគរបាលក្រុងស្វាយរៀង ឲ្យដឹងថា ជនសង្ស័យឈ្មោះ ថៃ ចន្ធី ភេទស្រី អាយុ ២១ឆ្នាំ មុខរបរ មិនពិតប្រាកដ មានទីលំនៅភូមិអាន់ទ្ធា ឃុំចម្លង ស្រុកបារាយ ខេត្តកំពង់ធំ ។ នៅព្រឹកកើតហេតុជនសង្ស័យបានដើរចូលទៅកន្លែងប្រារព្ធពិធីប្រណាំងទូកនៅមាត់ទន្លេវ៉ៃគោ ហើយបានធ្វើសកម្មភាពកាត់ខ្សែរក កុមារីរងគ្រោះ ឈ្មោះអ៊ឹម ស្រីលក្ខ័ អាយុ ៥ឆ្នាំ ដែលមកជាមួយជីដូនឈ្មោះ រាម សារ៉ាន អាយុ ៥៥ឆ្នាំ នៅភូមិតាស្អាង ឃុំស្រុកស្វាយជ្រំ យកបានខ្សែក ទម្ងន់៥ហ៊ុន៥លី ផ្លាកទីន ។ ក៏ស្រែកឆោឡោថា ចោរ ! ចោរ ! ក៏ផ្អើលដល់កម្លាំងសមត្ថកិច្ចដែលឈរយាម នៅប្រចាំការកន្លែងពិធីបុណ្យអុំទូកនោះក៏ស្ទាក់ចាប់ឃាត់ខ្លួនជនសង្ស័យបានម្នាក់រីឯបក្សពួកប្រុសស្រី២នាក់ទៀតបានរត់គិចខ្លួនបាត់ស្រម៉ោល ៕
ចែករំលែកព័តមាននេះ