រាជធានីភ្នំពេញ ៖ កងកម្លាំងវិស្វកម្មនៃកងពលធំអន្តរាគមន៍លេខ៣ បាននាំគ្នាធ្វើការឈួសឆាយ និងរៀបចំលេណដ្ឋានទីតាំងបា.ញ់គ្រាប់ពិតស្ថិតនៅកងពលតូចអន្តរាគមន៍លេខ១២ចាស់ក្បែរជើងភ្នំត្បែង ក្នុងចំណុច៩៥ ស្រុកត្បែងមានជ័យ ខេត្តព្រះវិហារ ។
រាជធានីភ្នំពេញ ៖ កងកម្លាំងវិស្វកម្មនៃកងពលធំអន្តរាគមន៍លេខ៣ បាននាំគ្នាធ្វើការឈួសឆាយ និងរៀបចំលេណដ្ឋានទីតាំងបាញ់គ្រាប់ពិតស្ថិតនៅកងពលតូចអន្តរាគមន៍លេខ១២ចាស់ក្បែរជើងភ្នំត្បែង ក្នុងចំណុច៩៥ ស្រុកត្បែងមានជ័យ ខេត្តព្រះវិហារ ។
លោកវរសេនីយ៍ទោ ជូ តុងអាន មេបញ្ជាការកងវិស្វកម្មនៃកងពលធំអន្តរាគមន៍លេខ៣បានឱ្យដឹងនៅព្រឹកថ្ងៃទី១ វិច្ឆិកា ២០១៤ នេះថា ការឈួសឆាយទីតាំងទីលានបាញ់គ្រាប់ពិតនេះ លើផ្ទៃដី៦ហិកតា និងសាងសង់ផ្លូវចូលទៅកាន់ទីលានបាញ់គ្រាប់ពិត មានប្រវែង៤៩៦២ម៉ែត្រ ។
លោកបន្តថា ដោយមានការសហការជាមួយលោកឧត្តមសេនីយ៍ឯក ឈន សារ៉ាណេ នាយរងសេនាធិការចម្រុះ និងជាមេបញ្ជាការកងវិស្វកម្មអគ្គបញ្ជាការបានផ្តល់នូវគ្រឿងចក្រជាច្រើនគ្រឿង ក្នុងការរៀបចំទីលានបាញ់គ្រាប់ពិតខាងលើនេះ ។ លោកវរសេនីយ៍ទោ ជូ តុងអាន ក៏បានបញ្ជាក់ផងដែរថា ជំនាញរបស់កងវិស្វកម្មមាន៣ជំនាញធំៗ ដូចជា ជំនាញរាវមីន ជំនាញគ្រឿងចក្រឈួសឆាយ និងជំនាញសំណង់ផងដែរ ។
លោកឧត្តមសេនីយ៍ទោ អ៊ូ ណារិន មេបញ្ជាការរងកងពលធំអន្តរាគមន៍លេខ៣ក៏បានឱ្យដឹងដែរថា នេះជាលើកទី១ហើយ ដែលកងពលធំអន្តរាគមន៍លេខ៣បានរៀបចំទីលានបាញ់គ្រាប់ពិត ក្រោយពីការហ្វឹកហ្វឺនបំប៉ន ជំនាញ កាំភ្លើងធំ អាវុធគាំទ្រ ស្មើជើង និងជំនាញរថក្រោះ កាលពីចុងខែមិថុនាកន្លងទៅដល់នាយពលទាហានទិសទី១ តំបន់ប្រាសាទព្រះវិហារ ទើបមកដល់ពេលនេះ កងពលធំអន្តាគមន៍លេខ៣បានរៀបចំទីលានបាញ់គ្រាប់ពិត ដើម្បីឱ្យសិក្ខាកាមទាំងអស់ សាកល្បងយុទ្ធវិធី ដែលបានហ្វឹកហ្វឺនអស់ រយៈពេល៩០ថ្ងៃកន្លងមក ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ