ខេត្តសៀមរាប ៖ ទីតាំងបញ្ជល់មាន់ដ៏ធំ កើតមានរាប់ឆ្នាំមកហើយ ដែលទីតាំងនោះស្ថិតក្នុងអតីតយោធភូមិភាគទី៤ ត្រូវបានកម្លាំងសមត្ថកិច្ចចម្រុះ ចេញប្រតិបត្តិការបង្រ្កាបដោយដកហូតបានវត្ថុតាងមួយចំនួន ។ ប្រតិបត្តិការបង្រ្កាបកន្លែងបញ្ជល់មាន់នៅក្នុងទី តាំងភូមិភាគ៤នេះធ្វើឡើងនៅម៉ោង៣និង៣០នាទីរសៀលថ្ងៃទី៣០
ខេត្តសៀមរាប ៖ ទីតាំងបញ្ជល់មាន់ដ៏ធំ កើតមានរាប់ឆ្នាំមកហើយ ដែលទីតាំងនោះស្ថិតក្នុងអតីតយោធភូមិភាគទី៤ ត្រូវបានកម្លាំងសមត្ថកិច្ចចម្រុះ ចេញប្រតិបត្តិការបង្រ្កាបដោយដកហូតបានវត្ថុតាងមួយចំនួន ។ ប្រតិបត្តិការបង្រ្កាបកន្លែងបញ្ជល់មាន់នៅក្នុងទី តាំងភូមិភាគ៤នេះធ្វើឡើងនៅម៉ោង៣និង៣០នាទីរសៀលថ្ងៃទី៣០ខែតុលា ឆ្នាំ២០១៤ ដែលទីនោះ ស្ថិតនៅមិនឆ្ងាយប៉ុន្មានពីមុខប្រាសាទអង្គរវត្ត ក្នុងសង្កាត់គោកចក ក្រុងសៀមរាប ។
ប្រតិបត្តិការនោះ សមត្ថកិច្ចបានរៀបចំកម្លាំងតាំងពីព្រឹកដើម្បីចេញបង្រ្កាប ប៉ុន្តែនៅ ល្ងាចថ្ងៃដដែលបានអនុវត្តដោយប្រើប្រាស់កម្លាំងនគរបាលសរុបចំនួន២០នាក់ ក្នុងនោះ១០នាក់ មកពីអធិការក្រុងសៀមរាប និង១០នាក់ទៀតមកពីការិយាល័យនគរបាលព្រហ្មទណ្ឌកំរិតស្រាលខេត្តសៀមរាប។សមត្ថកិច្ចបានអះអាងថា ដោយសារមានការរៀបចំកម្លាំងយូពេកទើបធ្វើឲ្យអ្នកលេងបញ្ជល់មាន់ បែកសំបុកនៅពេលសមត្ថកិច្ចទៅដល់ រត់បាតជើងសព្រាត។ ទោះបីជាយ៉ាងណាក៏ដោយ លោកអនុសេនីយ៍ឯក នួន សក្កិចំរើនរិទ្ធ បាននិយាយថាក្នុងប្រតិបត្តិការនោះ សមត្ថកិច្ចឃាត់រថយន្តបានចំនួន១គ្រឿង ម៉ូតូទំនើបៗចំនួនជាង២០គ្រឿង ទ្រុងមាន់ធ្វើពីដែកបានចំនួន២៥ កៅស៊ូតង់ធំៗចំនួន២ ដែលសមត្ថកិច្ចអះអាងថាកៅស៊ូតង់នេះបា នរុះរើពីសង្វៀនបញ្ជល់មាន់ ចំនួន២វង់នៅកន្លែងកើតហេតុ ។
លោកអនុសេនីយ៍ឯក នួន សក្កិចំរើនរិទ្ធ បានបញ្ជាក់ទៀតថា មនុស្សទាំងអស់បានរត់រួច ម៉ូតូរាប់សិបគ្រឿងនិងរថយន្តជាច្រើនគ្រឿង ត្រូវបានអ្នកមកបញ្ជល់មាន់យកចេញអស់មុនពេលសមត្ថកិច្ចទៅដល់ ។ក្រៅពីនោះមានមាន់ជល់ចំនួន៧ក្បាលត្រូវបានដកហូត ប៉ុន្តែកូនអ្នកធំម្នាក់ដែលគេស្គា ល់ល្បីពេញខេត្តសៀមរាបដែលរកស៊ីខុសច្បាប់កន្លងមក ហើយមកឆក់យកពីដៃសមត្ថកិច្ចទៅវិញអស់ចំនួន៣ក្បាល គឺនៅសល់តែ៤ក្បាលប៉ុណ្ណោះ ។ ក្រុមសមត្ថកិច្ចក៏ដូចជាប្រជាពលរដ្ឋបាននិយាយថា ទីតាំងនេះកើតមានរាប់ឆ្នាំមិនខ្លាចច្បាប់ឡើយ ព្រោះថា ជារបស់កូនអ្នកធំ ហើយអ្នកលេងក៏គេសប្បាយចិត្តបានម្ចាស់សង្វៀនជាអ្នកមានឥ ទ្ធិពល ពួកគេក៏អង្គុយលេងភ្នាល់មាន់បានយ៉ាងស្រួលរាប់ឆ្នាំរហូតមក ។ ទីតាំងបញ្ជល់មាន់នោះត្រូវបានគេនិយាយថា រាប់ឆ្នាំមកហើយនោះបានដាក់ខែដល់សមត្ថកិច្ច មួយចំនួនផងដែរ ។ជាមួយនោះក៏មានដាក់ខែដល់អ្នកកាសែត ទូរទស្សន៍ប្រចាំខេត្តមួយចំនួនទៀតផង ។
ប្រជាពលរដ្ឋបាននិយាយថា ការបើកកន្លែងជល់មាន់រាប់ឆ្នាំមកនេះ គឺធ្វើឱ្យខេត្តសៀមរា បតាំងពីមុនរហូតមកដល់ពេលនេះបានកើតមានចោរឆក់ ចោរប្លន់ម៉ូតូ កាច់សោកយកម៉ូតូ រាប់ករណី ក្នុងមួយខែៗដោយសារការចាញ់ល្បែងបញ្ជល់មាន់ បៀអាប៉ោង កន្ទុយលេខជាដើម ដែលគេសង្កេតឃើញមានបើកឲ្យលេងយ៉ាងរលួន។
ចែករំលែកព័តមាននេះ