រាជធានីភ្នំពេញ ៖ ស្រ្តីម្នាក់ជិះម៉ូតូឌុបកូនតាមផ្លូវត្រូវជនសង្ស័យពីរម្នាក់ជិះម៉ូតូមួយគ្រឿងធ្វើសកម្មភាពឆក់កាបូបពីស្រ្តីរូបនេះតែមិនបានសម្រេច ក្រុមជនសង្ស័យបានជិះម៉ូតូគេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលាម៉ោង ៨ និង ៣០ នាទី យប់ ថ្ងៃទី៣១ តុលា ២០១៤ នៅតាមផ្លូវលេខ៥៩៨ ស្ថិតនៅ
រាជធានីភ្នំពេញ ៖ ស្រ្តីម្នាក់ជិះម៉ូតូឌុបកូនតាមផ្លូវត្រូវជនសង្ស័យពីរម្នាក់ជិះម៉ូតូមួយគ្រឿងធ្វើសកម្មភាពឆក់កាបូបពីស្រ្តីរូបនេះតែមិនបានសម្រេច ក្រុមជនសង្ស័យបានជិះម៉ូតូគេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលាម៉ោង ៨ និង ៣០ នាទី យប់ ថ្ងៃទី៣១ តុលា ២០១៤ នៅតាមផ្លូវលេខ៥៩៨ ស្ថិតនៅក្នុងសង្កាត់បឹងកក់ទី១ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញស្រ្តីរងគ្រោះជិះម៉ូតូម៉ាកស៊ីរូស មួយគ្រឿង ពាក់ស្លាកលេខភ្នំពេញ 1AB-4428 ឌុបកូនតូចៗ ៣នាក់ដោយធ្វើដំណើរតាមផ្លូវលេខ៥៩៨ ក្នុងទិសដៅ ពីត្បូងទៅជើង ខណៈមកដល់ចំណុចកើតហេតុ ក៏មានជនសង្ស័យពីរនាក់ជិះម៉ូតូម៉ាក និច មួយគ្រឿង មកធ្វើសកម្មភាពឆក់យកកាបូបពីស្រ្តីរងគ្រោះតែមិនបានសម្រេចក្រុមជនសង្ស័យក៏បានជិះម៉ូតូគេចខ្លួនបាត់ស្រមោលតែម្តង ។
គួបញ្ជាក់ថា ប្រជាពលរដ្ឋបានប្រាប់អ្នកសារព័ត៌មានឱ្យដឹងថា នៅពេលយប់នៅផ្លូវលេខ៥៩៨ ចាប់ពីចំណុចស្ពានអាកាស៧មករា មកដល់រង្វង់មូលកាំកូស៊ីធី (ព្រំប្រទល់ខណ្ឌសែនសុខ និង ព្រំប្រទល់ខណ្ឌទួលគោក) អ្នកធ្វើដំណើរពេលយប់តែងតែព្រួយបារម្ភព្រោះតែងតែជួបជួបនិងក្រុមចោរធ្វើសកម្មភាពឆក់ ប្លន់ ជាញឹកញាប់ ។ ដោយប្រជាពលរដ្ឋប្រាប់បន្តថា គេមិនសូវឃើញសូវឃើញសមត្ថកិច្ចល្បាតពេលយប់នៅចំណុចខាងលើ ។
ចែករំលែកព័តមាននេះ