រាជធានីភ្នំពេញ ៖ មនុស្ស៥នាក់បានរងរបួសធ្ងន់ និងស្រាលនៅក្នុងករណីគ្រោះថ្នាក់ចរាចរណ៍មួយដែលបង្កឡើងរវាង ម៉ូតូពីរគ្រឿងបុកគ្នាពេញទំហឹង កាលពីវេលាម៉ោង ៨ និង៣០ នាទីយប់ ថ្ងៃទី៣១ តុលា ២០១៤ នៅលើកំណាត់ផ្លូវលេខ៧០ ស្ថិតក្នុងសង្កាត់ស្រះចក ខណ្ឌដូនពេញ ។
រាជធានីភ្នំពេញ ៖ មនុស្ស៥នាក់បានរងរបួសធ្ងន់ និងស្រាលនៅក្នុងករណីគ្រោះថ្នាក់ចរាចរណ៍មួយដែលបង្កឡើងរវាង ម៉ូតូពីរគ្រឿងបុកគ្នាពេញទំហឹង កាលពីវេលាម៉ោង ៨ និង៣០ នាទីយប់ ថ្ងៃទី៣១ តុលា ២០១៤ នៅលើកំណាត់ផ្លូវលេខ៧០ ស្ថិតក្នុងសង្កាត់ស្រះចក ខណ្ឌដូនពេញ ។
ព្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូវីវ៉ា ពណ៌ខ្មៅមួយគ្រឿង ពាក់ស្លាកលេខកណ្តាល1E-505ជិះដោយបុរសពីរនាក់ បើកប្រដេញគ្នាជាមួយម៉ូតូមិនស្គាល់អត្តសញ្ញាណមួយគ្រឿងទៀត តាមផ្លូវលេខ៧០ ក្នុងទិសដៅពីជើងទៅក្បូង ខណៈមកដល់ចំណុចកើតហេតុក៏បានជ្រុលទៅបុកចំចំហៀងខាងក្រោយម៉ូតូម៉ាក ហុងដាឌ្រីម សេ១១០ ពណ៌ខៀវ ពាក់ស្លាកលេខភ្នំពេញ1BR-5322 ជិះដោយបុរស-នារី៣នាក់ដែលធ្វើដំណើរស្របទិសគ្នាពេញទំហឹង បណ្តាលឱ្យ បុរសបើកម៉ូតូហុងដាឌ្រីមសេ១១០ និងអ្នកនារីរួមដំណើរជាមួយរងរបួសធ្ងន់ ចំណែកបុរសពីរនាក់ទៀតដែលជិះម៉ូតូវីវ៉ា និងបុរសម្នាក់ដែលរួមដំណើរជាមួយម៉ូតូហុងដាឌ្រីម រងរបួសស្រាល ។ បន្ទាប់មកគេឃើញបុរសជិះម៉ូតូវីវ៉ាទាំងពីរនាក់ ដែលរងរបួសស្រាលនាំគ្នារត់ចោលម៉ូតូគេចខ្លួនបាត់ស្រមោល ។
ក្រោយពេលកើតហេតុជនរងគ្រោះត្រូវបានគេបញ្ជូនទៅសង្រ្គោះនៅមន្ទីរពេទ្យ ចំណែកម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកនៅការិយាល័យចរាចផ្លូវគោករាជធានីភ្នំពេញរងចាំដោះស្រាយគ្នាតាមនិតិវិធីច្បាប់។
ចែករំលែកព័តមាននេះ