រាជធានីភ្នំពេញ ៖ ឃាតករដែលរឹត.ក សម្លា.ប់នារីម្នាក់នៅក្នុងបន្ទប់ផ្ទះសំណាក់យីហោ<<អប្សរាមាស>> ត្រូវបានសមត្ថកិច្ចស្រាវជ្រាវចាប់ខ្លួនបានហើយ កាលពីវេលាម៉ោង ៧និង១០យប់ថ្ងៃទី៣១ តុលា ២០១៤ នេះនៅចំណុចផ្ទះជួលរបស់ជនសង្ស័យ ស្ថិតនៅក្នុងភូមិតំណាក់ សង្កាត់ភ្នំពេញថ្មី ខណ្ឌសែនសុខ ។
រាជធានីភ្នំពេញ ៖ជនសង្ស័យដែលរឹត.ក សម្លាប់នារីម្នាក់នៅក្នុងបន្ទប់ផ្ទះសំណាក់យីហោ<<អប្សរាមាស>> ត្រូវបានសមត្ថកិច្ចស្រាវជ្រាវចាប់ខ្លួនបានហើយ កាលពីវេលាម៉ោង ៧និង១០យប់ថ្ងៃទី៣១ តុលា ២០១៤ នេះនៅចំណុចផ្ទះជួលរបស់ជនសង្ស័យ ស្ថិតនៅក្នុងភូមិតំណាក់ សង្កាត់ភ្នំពេញថ្មី ខណ្ឌសែនសុខ ។
ជនសង្ស័យមានឈ្មោះ សុខ សុផា អាយុ៣១ឆ្នាំ មុខរបររត់ម៉ូតូឌុប ហើយត្រូវជាក្មួយថ្លៃនារីរងគ្រោះ ។ ជនសង្ស័យជាបុរសពោះម៉ាយកូនពីរ និងមានស្រុកកំណើតនៅក្នុងភូមិចុងព្រែក ឃុំមឺុនជ័យ ស្រុករំដួល ខេត្តស្វាយរៀង ហើយបានស្នាក់នៅផ្ទះជួលក្នុងភូមិតំណាក់ សង្កាត់ភ្នំពេញថ្មី ខណ្ឌសែនសុខ ។
ប្រភពព័ត៌មានដែលទទួលបានពីសមត្ថកិច្ចបានឱ្យដឹងថា ជនសង្ស័យគឺត្រូវជាក្មួយបង្កើតរបស់ប្តីនារីរងគ្រោះ។ហើយជនសង្ស័យ ក៏បានមកសុំផ្ទះពូបង្កើតស្នាក់អាស្រ័យជាមួយ បន្ទាប់ពីជនសង្ស័យរូបនេះបានលែងលះគ្នាជាមួយប្រពន្ធរបស់គេរួចមក ។ អំឡុងពេលមករស់នៅស្នាក់អាស្រ័យជាមួយក្រុមគ្រួសាឪពុកមាបង្កើតនោះ ជនសង្ស័យក៏មានចិត្តចាប់អារម្មណ៏និងបានលួចស្រលាញ់ ប្រពន្ធរបស់ឪពុកមាខ្លួនឯង រហូតមានទំនាក់ទំនងគ្នាជាមួយប្រពន្ធឪពុកមាខ្លួនឯងយ៉ាងស៊ីជម្រៅ និងឈានទៅរួមមេត្រីជាមួយគ្នាទៀតផង។ ទង្វើរបស់ជនសង្ស័យ គឺកំពុងតែរូងថ្លើមម្រម៉ាត់ឪពុកមាឱ្យឈឺខ្លោចផ្សា ។ ហើយទំនាក់ទំនងស្នេហាលួចលាក់រវាងក្មួយ និងម្តាយមីងសាច់ថ្លៃ ដែលអូសបន្លាយពេលជាង៣ឆ្នាំមកហើយនោះ គឺពិតជាមិនអាចបិតបាំងជិតនោះទេ ដោយរឿងនោះវាបានបែកធ្លាយដល់បុរសជាឪពុកមា ហើយឪពុកមារូបនោះក៏បានបណ្តេញក្មួយចិត្តអប្រិយនោះចេញពីផ្ទះរបស់ខ្លួន ។
ប្រភពព័ត៌មានបានបន្តទៀតថា ទោះបីជាជនសង្ស័យរូបនេះត្រូវឪពុកមាដេញចេញពីផ្ទះ ដើម្បីបំបែកចេញពីម្តាយមីងសាច់ថ្លៃយ៉ាងណាក្តី ក៏អ្នកទាំងពីរនៅតែរត់រកគ្នាដោយលួចលាក់ជាបន្តបន្ទាប់។ ជាក់ស្តែងនៅវេលាម៉ោង ប្រហែលជា១០ព្រឹកថ្ងៃទី ៣០ តុលា ២០១៤ ជនសង្ស័យបាននាំនារីជាម្តាយមីងសាច់ថ្លៃ មកជួបគ្នានៅក្នុងបន្ទប់ផ្ទះសំណាក់យីហោ <<អប្សរាមាស >> ដែលមានទីតាំងស្ថិតនៅក្នុងសង្កាត់កាកាប ខណ្ឌពោធិ៍សេនជ័យ ហើយក្នុងពេលដែលជួបគ្នានោះជនសង្ស័យ និង ម្តាយមីងសាច់ថ្លៃ បានសន្យារួមរស់ជាមួយគ្នាជារៀងរហូត ។
បើតាមប្រភពព័ត៌មានពីសមត្ថកិច្ចដែលបានស្រង់សម្តីរបស់ជនសង្ស័យធ្វើការសារភាពផ្ទាល់មាត់នោះ បានឱ្យដឹងថា នៅមុនពេលកើតហេតុអ្នកទាំងពីរបានសម្រេចចិត្តបញ្ចប់ជីវិតរួមគ្នា ដើម្បីគេចចេញពីការតាមបំបែកពីបុរសជាឪពុកមា ដោយសម្រេចថានិងលេបថ្នាំសម្លាប់ខ្លួនឱ្យស្លាប់ទាំងពីរនាក់ ។ ហើយមុននឹងលេបថ្នាំសម្លាប់ខ្លួននោះជនសង្ស័យនិងជនរងគ្រោះបានសច្ចារូមគ្នាថា <<ដើម្បីគេចពីការតាមយាយី ពីឪពុកមា និង ដើម្បីបានរួមរស់ជាមួយគ្នាមានតែលេបថ្នាំសម្លាប់ខ្លួនជាមួយគ្នានោះទេ>> ។ គ្រាន់តែសច្ចាចប់ ភ្លាមនោះនារីជាម្តាយមីងសាច់ថ្លៃ ក៍បានលេបថ្នាំមុនជនសង្ស័យ បន្ទាប់មក៏មានអាការៈប្រកាច់បែក ពពុះមាត់ ឃើញសភាពនារីរងគ្រោះស្លាប់ពិបាកបែបនេះ ជនសង្ស័យក៏សម្រេចចិត្តលែងចង់ស្លាប់ ហើយក៏បានរឹត.ក នារីជាម្តាយមីងបន្ថែម និងបានយកក្រណាត់រឹត.ក ចងភ្ជាប់ទៅនឹងចង្រឹងក្បាលគ្រែ រួចរត់គេចខ្លួនបាត់ស្រមោល ។ បច្ចុប្បន្នជនសង្ស័យត្រូវបាននគរបាលធ្វើការសាកសួរនិងឃុំខ្លួននៅការិយាល័យព្រហ្មទណ្ឌនៃអធិការដ្ឋានខណ្ឌពោធិ៍សែនជ័យ ។
គួរបញ្ជាក់ផងដែរថា នារីអាយុប្រហែលជាង២០ឆ្នាំម្នាក់ ត្រូវគេប្រទះឃើញដេកស្លាប់ផ្កាប់មុខនិងមានខ្សែរឹត.កក្នុងផ្ទះ សំណាក់យីហោ «អប្សរាមាស» ខណៈអ្នកបម្រើចូលទៅសម្អាតបន្ទប់ បង្កឱ្យមានការភ្ញាក់ផ្អើលកាលពីវេលាម៉ោង១២ និង១៥នាទីថ្ងៃទី៣១ តុលា ២០១៤ នេះ ស្ថិតក្នុងភូមិប៉ប្រក សង្កាត់កាកាប ខណ្ឌពោធិ៍សែនជ័យ ដែលត្រូវគេសង្ស័យថា ជាករណីឃាតកម្ម ។ទោះបីជាយ៉ាងណា គេនៅមិនទាន់ស្គាល់អត្តសញ្ញាណសពនារីរងគ្រោះនៅឡើយ ខណៈសមត្ថកិច្ចជំនាញកំពុងធ្វើកោសល្យវិច័យ ។
ប្រភពពីម្ចាស់ផ្ទះសំណាក់បានឱ្យដឹងថា នៅមុនពេលកើតហេតុវេលាម៉ោងប្រហែល១០ព្រឹកថ្ងៃទី៣០ តុលា ២០១៤ គេឃើញនារីរងគ្រោះខាងលើរួមជាមួយមិត្តភក្តិម្នាក់ទៅជួលបន្ទប់គេង រហូតដល់ព្រឹកឡើងអត់ឃើញនារីនោះចេញពីបន្ទប់វិញទេ ខណៈនោះអ្នកបម្រើដើរទោះទ្វារបំណងសម្អាតបន្ទប់ ក៏ប្រទះឃើញនារីរងគ្រោះស្លាប់បាត់ទៅហើយ ។
ចែករំលែកព័តមាននេះ