ខេត្តកំពង់ចាម ៖ ក្រុមបាតុកររោងចក្រស្បែកជើង «ជូ ហួយ» ឃុំខ្នុរដំបង ស្រុកជើងព្រៃជាង១០០នាក់ បានជិះរថយន្តនាំគ្នាមកតវ៉ាដល់មុខសាលាដំបូងខេត្ត កាលពីវេលាព្រឹកថ្ងៃទី៣១ តុលា ២០១៤ ដើម្បីឱ្យដោះលែងកម្មករ-កម្មការិនីចំនួន៥នាក់ ដែលកំពុងជាប់ឃុំនៅពន្ធនាគារខេត្ត ដោយជាប់ចោទករណីដុតបំផ្លាញសម្ភាររោងចក្រនាពេលកន្លងទៅថ្មីៗនោះ ព្រមទាំងបង្កឱ្យកម្លាំងសមត្ថកិច្ចចំនួន៥នាក់រងរបួសធ្ងន់-ស្រាលផងដែរ ។
លោកទាវ ធឿន ដែលបានចូលរួមទាមទារនេះបានលើកហេតុផលថា ចំពោះមូលហេតុដែលរូបលោកនាំគ្នាមកកាន់សាលាដំបូងខេត្តនេះ ដោយសារតែយល់ឃើញកម្មករ-កម្មការិនីចំនួន៥នាក់ ក្នុងចំណោម១០នាក់ ដែលសមត្ថកិច្ចចាប់បញ្ជូនមកនោះ ត្រូវបានដោះលែងទៅវិញ៥នាក់ នៅសល់៥នាក់ ពុំបានប្រព្រឹត្តនូវទង្វើខុសច្បាប់នៅរោងចក្រ ជូ ហួយ ស្រុកជើងព្រៃឡើយ ។
ក្នុងពេលដែលក្រុមតវ៉ារបស់ពួកគេជិះរថយន្តចេញពីស្រុកជើងព្រៃមកកាន់សាលាដំបូងខេត្តនេះ មិនមានស្ថាប័នណាមួយធ្វើការឃាត់រថយន្តមិនឱ្យមកនោះទេ ប្រសិនណាបើការទាមទារនៅថ្ងៃនេះ មិនទទួលបានជោគជ័យ ពួកគេនឹងបន្តការទាមទារបន្ថែមទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ