ខេត្តមណ្ឌលគិរី ៖ សមត្ថកិច្ចជំនាញការិយាល័យប្រឆាំងគ្រឿងញៀននៃស្នងកាដ្ឋាននគរបាលខេត្តមណ្ឌលគិរីបានឃាត់ខ្លួនជនសង្ស័យម្នាក់ បញ្ជូនខ្លួនទៅសាលាដំបូងខេត្ត កាលពីព្រឹកថ្ងៃទី៣១ តុលា ២០១៤ នេះពីបទជួញដូរគ្រឿងញៀន។
នាយរងការិយាល័យគ្រឿងញៀនបានឱ្យដឹងថា ជនសង្ស័យដែលសមត្ថកិច្ចបញ្ជូនខ្លួនទៅតុលាការឈ្មោះ សេន ស៊ី ភេទប្រុស អាយុ៣៣ឆ្នាំ ជនជាតិខ្មែរអ៊ិស្លាម មានទីលំនៅភូមិឆ្នែង ឃុំស្រែខ្ទុម ស្រុកកែវសីមា ។
ប្រភពដដែលបន្តថា ជនសង្ស័យត្រូវបានកម្លាំងនគរបាលជំនាញចាប់ឃាត់ខ្លួនបានកាលពីវេលាម៉ោង១០ និង០៥នាទីព្រឹក នៅតាមបណ្តោយផ្លូវជាតិលេខ៧៦ចំណុចសាលាបឋមសិក្សាត្រពាំងផ្អេរ ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា ដោយឆែកឆេររកឃើញថ្នាំញៀនចំនួន៥កញ្ចប់តូច និងទូរសព្ទ័ដៃចំនួន២គ្រឿងផងដែរ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ