រាជធានីភ្នំពេញ ៖ អ្នកនាង យ៉ុង ចាន់កណ្ណិកា ដែលទើបតែបានរៀបការសំពះផ្ទឹមជាមួយស្វាមី លោកចាន់ ចំណាន ជាផ្លូវការកាលពីម្សិលមិញ ដោយមានការចូលរួមជូនពរជ័យពីសំណាក់ភ្ញៀវក្នុងសិល្បៈ ក្រៅសិល្បៈជាច្រើននាក់ ។ ដោសារតែសាមីខ្លួនអ្នកនាង យ៉ុង ចាន់កណ្ណិកា បានសម្រេចបំណងជាកូនស្រីសងគុណឪពុកម្តាយតាមច្បាប់តម្រា ទើបតែរួចរាល់ស្វាមីភរិយាថ្មោងថ្មីនេះ កាន់តែរឹតចំណងស្នេហ៍ទ្វេឡើង ។ ចំពោះយ៉ុង ចាន់កណ្ណិកា ដែលមុននេះធ្លាប់ប្រាប់ថាគ្រោងសម្តែងនៅប្រទេសអូស្ត្រាលី ក្រោយចូលរោងការ ក៏បានផ្អាកសិនដែរ ដើម្បីនៅក្បែរប្តី ដោយដំណើរសម្តែងនៅនាយសមុទ្រអាចឆ្លងដល់ដើមឆ្នាំ២០១៥ ។
ថ្លែងប្រាប់អ្នកយកព័ត៌មាន ដោយផ្ទាល់ យ៉ុង ចាន់កណ្ណិកា ដែលកំពុងក្លាយជាតួអង្គកូនក្រមុំស្រស់សោភាដាច់គេ ពេល កំពុងគ្រងឈុតប្រពៃណីខ្មែរទម្រង់កាត់សក់ បានបញ្ជាក់ទាំងមុខស្រស់ស្រាយថា «នាងពិតជាបើកបេះដូងយកបុរសដែលនាងផ្ញើកាយនេះ ពិត១០០% ដោយសន្យាថា យើងទាំង២មើលថែរទាំគ្នាគ្រប់កាលៈទេសៈទាំងទុក្ខ និងសុខ ។ ស្វាមីនាងមានអាយុ៣០ឆ្នាំជាង ឈ្មោះចាន់ ចំណាន បានស្គាល់គ្នាយូរឆ្នាំដែរ ។ គាត់ជាមន្ត្រីរាជការបម្រើការងារនៅក្រសួងមហាផ្ទៃ ផ្នែកពន្ឋនាគារ ដោយជាអ្នករាជការអស់ពេលជាង១០ឆ្នាំមកហើយ ។ ពួកយើងស្រលាញ់រាប់អានគ្នាយូរក្រាស់ក្រែល និងកាន់តែយល់ចិត្តគ្នាច្បាស់ថា ម្នាក់ៗជាបុគ្គលបែបណា ទើបអាចឆ្លងដល់អាពាហ៍ពិពាហ៍បែបនេះ អាចថា ច្បាស់លាស់រៀងខ្លួនអស់ហើយ ណាមួយចាស់ទុំសងខាងក៏ស្រលាញ់គ្នាទៅវិញទៅមក នេះជាភាពកក់ក្តៅមួយសម្រាប់យើងជាប្តីប្រពន្ឋថ្មោងថ្មី»។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ