រាជធានីភ្នំពេញ ៖ ចាប់តាំងពីដំណើរការការប្រដាល់រាល់ព្រឹកថ្ងៃអាទិត្យ ស្ថានីយទូរទស្សន៍អាស៊ីអាគ្នេយ៍ មិនដែលនាំយកកីឡាករជនជាតិផ្សេងខុសពីថៃមកប្រកួតនោះទេ ដោយសារតែការប្រដាល់នេះ សង្កត់ធ្ងន់លើជំនួបរវាងកីឡាករថៃ និងកម្ពុជា ។ នៅព្រឹកថ្ងៃអាទិត្យ ទី២ វិច្ឆិកា នេះ កីឡាករបារាំងនឹងបង្ហាញវត្តមានដំបូងគេ ដោយ ម៉ន រដ្ឋា របស់កម្ពុជា ជាអ្នកស្វាគមន៍ ។
រាជធានីភ្នំពេញ ៖ ចាប់តាំងពីដំណើរការការប្រដាល់រាល់ព្រឹកថ្ងៃអាទិត្យ ស្ថានីយទូរទស្សន៍អាស៊ីអាគ្នេយ៍ មិនដែលនាំយកកីឡាករជនជាតិផ្សេងខុសពីថៃមកប្រកួតនោះទេ ដោយសារតែការប្រដាល់នេះ សង្កត់ធ្ងន់លើជំនួបរវាងកីឡាករថៃ និងកម្ពុជា ។ នៅព្រឹកថ្ងៃអាទិត្យ ទី២ វិច្ឆិកា នេះ កីឡាករបារាំងនឹងបង្ហាញវត្តមានដំបូងគេ ដោយ ម៉ន រដ្ឋា របស់កម្ពុជា ជាអ្នកស្វាគមន៍ ។
ថ្វីដ្បិតតែ ម៉ន រដ្ឋា នៅក្មេង និងស្ទើរបទពិសោធន៍បន្តិចមែន ប៉ុន្តែជើងខ្លាំងប្រចាំក្លិបព្រែកឯងកីឡារូបនេះ ត្រូវមហាជនទុកចិត្ត និងទទួលស្គាល់ថ្វីដៃមិនធម្មតានោះឡើយ នៅលើសង្វៀនទាំងជាតិ និងអន្តរជាតិកន្លងមក ។ លោកធ្លាប់ប្រកួតជាមួយបរទេសតែម្ដងគត់ ដោយចាញ់ក្រោមកណ្ដាប់ដៃថៃ នាពេលកន្លងមក។ ទោះជាមានលទ្ធផលបែបនេះ ក៏ ម៉ន រដ្ឋា មានការទុកចិត្តរួចជាស្រេចក្នុងការរារាំងកីឡាករបារាំងឈ្មោះDaniel ដែលទើបបង្ហាញខ្លួនលើកដំបូងនៅលើសង្វៀន Ganzburge Top Fighters របស់ទូរទស្សន៍អាស៊ីអាគ្នេយ៍ព្រឹកស្អែក ។ ម្យ៉ាងជើងខ្លាំងបារាំង ដែលមកប្រកួតជាលើកដំបូងនៅក្នុងព្រឹត្តិការណ៍នេះ មើលទៅដូចជាចាស់សម្បើមណាស់ មិនខុសពីឲ្យឪពុកប្រកួតនឹងកូន ។
ក្រុមអ្នកឃ្លាំមើលយល់ថា ម៉ន រដ្ឋា ទោះជាចាញ់កម្ពស់ និងប្រវែងដៃជើង ក៏អាចនឹងឈ្នះតែមត្រង់កម្លាំងនោះផងដែរ ។ ទោះបីយ៉ាងណា គេមិនអាចកំណត់បញ្ហានេះថា អាចទៅរួចនោះទេ ក្នុងពេលដែលកីឡាករបរទេសភាគច្រើនបានទទួលការបំប៉នគ្រប់គ្រាន់ល្អប្រសើរជាងស្ថានភាពកីឡាករប្រដាល់របស់កម្ពុជាបែបនេះ ។ កីឡាករទាំងពីរប៉ះគ្នាក្នុងប្រភេទទម្ងន់ ៥២គីឡូក្រាម ហើយជាការប៉ះគ្នាដែលមានឥទ្ធិពលខ្លាំងក្លាណាស់ដែរ ក្នុងរង្វង់អ្នកតាមដានកីឡាប្រដាល់ ដើម្បីចង់ដឹងថា ម៉ន រដ្ឋា ជើងខ្លាំងវ័យក្មេងរបស់កម្ពុជាឈ្នះ ឬកីឡាករបារាំង ដែលជាជនជាតិក្រៅពីថៃលើកដំបូងមកប្រកួតលើកដំបូងនេះឈ្នះ ។
លោក ញៀន សុធី អ្នករៀបចំការប្រដាល់ប្រចាំស្ថានីយទូរទស្សន៍អាស៊ីអាគ្នេយ៍ប្រាប់ថា ការប្រកួតអន្តរជាតិមិនសំដៅតែលើជនជាតិថៃនោះទេ ប៉ុន្តែវត្តមានកីឡាករគឺអាស្រ័យលើការរៀបចំរបស់គណៈកម្មការប្រដាល់ថៃដែលជាអ្នកទម្លាក់មកតែម្ដង ។ យ៉ាងណាក៏ដោយ លោកតម្រូវឲ្យនាំមកតែកីឡាករដែលមានការប្រកួតល្អ និងខ្លាំងក្លាប៉ុណ្ណោះ ដើម្បីកុំឲ្យមកប្រកួតត្រូវបានអ្នកទស្សនារិះគន់ថា យកអ្នកទេសចរបរទេសមកប្រកួតហើយថាជាអ្នកប្រដាល់ ។ លោករមែងសុំមើលសមាសភាពរបស់បរទេសមុនទទួលយកទាំងអស់ទើបលោករំពឹងថា កីឡាករ Daniel ដ្បិតថាមើលទៅរាងចាស់បន្តិច ប៉ុន្តែអាចធ្វើឲ្យ ម៉ន រដ្ឋា ដែលពេញកម្លាំងបះសក់បាន ។ លោកមិនច្បាស់ពីប្រវត្តិប្រកួតរបស់កីឡាករបារាំងរូបនេះទេ ដោយគ្រាន់តែដឹងថា ភាគីថៃអះអាងថា Daniel គឺជាសិស្សគុននៅក្នុងប្រទេសថៃ ដែលមានថ្វីដៃមិនធម្មតា ។
ចំពោះការប្រកួតអន្តរជាតិ២គូទៀត រួមមាន កីឡាករ ពុទ្ធ ហ៊ុច មកពីក្លិបពុទ្ធសេរីវង្សកីឡា ប្រកួតជាមួយកីឡាករជនជាតិថៃ Singh dam ក្នុងប្រភេទទម្ងន់៦៧គីឡូក្រាម និងកីឡាករ ខុន រាជ មកពីក្លិបកងពលធំអន្តរាគមន៍លេខ៣ព្រះវិហារជួបប្រកួតជាមួយកីឡាករថៃឈ្មោះ Soriya ក្នុងប្រភេទទម្ងន់៦៩គីឡូក្រាម ។ ពុទ្ធ ហ៊ុច ធ្លាប់ប៉ះថៃ៣លើកហើយ ដោយ២លើកឈ្នះ និងស្មើ១លើក ។ លោកធ្លាប់ផ្ដួល Noppakao ដែលឈ្នះ ពេជ្រ អារុណ មកពីក្លិបបង្ក្រាបគ្រឿងញៀនក្នុងទឹកទី២ និងឈ្នះ លៀង ស៊ីពេជ្រ មកពីសមាគមកីឡាប្រដាល់ក្រសួងការពារជាតិក្នុងទឹកទី៤ ធ្វើឲ្យមានការចាប់អារម្មណ៍ហួសពីការស្មាន ។ ចំណែក Singh dam ក៏មិនធម្មតានោះដែរ ដោយសារតែធ្លាប់វាយឈ្នះ ពុទ្ធ ឆាយរិទ្ធី សិស្សរួមគ្រូជាមួយ ពុទ្ធ ហ៊ុច នាពេលថ្មីៗ ។
ដោយឡែក ខុន រាជ ជាកីឡាករចាស់វស្សា មិនដឹងថាអាចឈ្នះ Soriya ឬយ៉ាងណានោះទេ សម្រាប់ការប្រកួតនៅព្រឹកស្អែកនេះ ?
ចែករំលែកព័តមាននេះ