រាជធានីភ្នំពេញ ៖ បង្គោលភ្លើងមួយកន្លែងស្ថិតនៅតាមបណ្តោយផ្លូវ២០០៤ ក្នុងសងកាត់កាកាប ខណ្ឌពោធិសែនជ័យ បានត្រូវអគ្គិភ័យឆាបឆេះ បង្កការភ្ញាក់ផ្អើលនៅម៉ោង១១និង៤៥នាទីថ្ងៃត្រង់ថ្ងៃទី៣១ តុលា ២០១៤ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីសមត្ថកិច្ចមូលដ្ឋានឲ្យដឹងថា ការឆេះបង្គោលភ្លើងនេះទំនងជាបណ្តាលមកពីឆ្លងចរន្តអគ្គិសនី ហើយមកដល់ម៉ោង១១និង៥៥នាទីថ្ងៃសុក្រដដែលនេះ អគ្គិភ័យបានរលត់ទំាងស្រុងទៅវិញហើយ ដោយសារសមត្ថកិច្ចប្រើរថយន្តពន្លត់អគ្គិភ័យមួយគ្រឿងបាញ់ពន្លត់ទាន់ពេលវេលា ។
សេចក្តីរាយការណ៍បានបន្តថា ទោះបីជាភ្លើងរលត់ទៅវិញក្តី ប៉ុន្តែអ្នកធ្វើដំណើរតាមផ្លូវកំពុងតែចោមរោមមើល និងមានការកកស្ទះផ្លូវនោះថែមទៀត ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ