រាជធានីភ្នំពេញ ៖ កម្លាំងសមត្ថកិច្ចប៉ុស្តិ៍នគរបាលអំពៅទី២ បានធ្វើការឃាត់ជនសង្ស័យម្នាក់ ខណៈកំពុងធ្វើសកម្មភាពចែកចាយថ្នាំញៀន កាលពីវេលាម៉ោង២ថ្ងៃទី៣១ តុលា ២០១៤ នេះ ស្ថិតនៅចំណុចផ្លូវលេខ៣៥៧ ក្នុងភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ។
ប្រភពបានឱ្យដឹងថា ជនសង្ស័យឈ្មោះឈឹម រ័ត្នសុភី អាយុ២៤ឆ្នាំ មានទីលំនៅក្នុងសង្កាត់ច្រាំងចំរេះ ខណ្ឌប្ញស្សីកែវ ។
ប្រភពបន្តថា មុនឈានដល់ការឃាត់ខ្លួនជនសង្ស័យនេះ គឺកម្លាំងសមត្ថកិច្ចបានចុះល្បាតក្នុងមូលដ្ឋានរបស់ខ្លួនដូចសព្វមួយដង ស្រាប់តែប្រទះឃើញជនសង្ស័យខាងលើកំពុងឈរលេមឡឺម ដោយមើលទៅគួរឱ្យសង្ស័យទើបធ្វើការឃាត់ខ្លួនឆែកឆេរ ក៏ប្រទះឃើញថ្នាំញៀនមួយចំនួនធំនៅក្នុងខ្លួនជនសង្ស័យតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ