តើត្រូវធ្វើដូចម្តេចដើម្បីបើកបរនៅតំបន់សាលារៀនឱ្យមានសុវត្ថិភាព ?
តែម្តង ដែលលោកអ្នកគួរយល់ថា តើត្រូវអនុវត្តគោលការណ៍ឬវិធីបើកបរដូចម្តេច ទើបអាចធានាបាននូវក្តីសុខសុវត្ថិភាពរបស់ខ្លួននិងអ្នកដទៃ ?
តែម្តង ដែលលោកអ្នកគួរយល់ថា តើត្រូវអនុវត្តគោលការណ៍ឬវិធីបើកបរដូចម្តេច ទើបអាចធានាបាននូវក្តីសុខសុវត្ថិភាពរបស់ខ្លួននិងអ្នកដទៃ ?
នៅលើស្ថានភាពផ្លូវនីមួយៗមិនថាតែថ្នល់ជាតិ ឬតាមតំបន់ទីប្រជុំជនទ្បើយ គឺសុទ្ធសឹងតែមានស្លាកសញ្ញាចរាចរណ៍សម្រាប់ចង្អុលបង្ហាញពីលក្ខខណ្ឌនៃការបើកបរផ្សេងៗគ្នា ដើម្បីជាការក្រើនរំលឹកដល់អ្នកកាន់ចង្កូតរថយន្តគ្រប់រូបត្រៀមខ្លួនប្រុងស្មារតីជានិច្ចឆ្លើយតបនឹងស្ថានការណ៍ឧបសគ្គនៅខាងមុខ ។ ពិសេសនៅតាមតំបន់នានា ដែលមានសាលារៀនស្ថិតតាមបណ្តោយថ្នល់ជាតិតែម្តង ដែលលោកអ្នកគួរយល់ថា តើត្រូវអនុវត្តគោលការណ៍ឬវិធីបើកបរដូចម្តេច ទើបអាចធានាបាននូវក្តីសុខសុវត្ថិភាពរបស់ខ្លួននិងអ្នកដទៃ ?
នេះគឺជាយុទ្ធស្រាស្តក្នុងការបើកបរនៅតំបន់មានសាលារៀនឱ្យមានសុវត្ថិភាព៖
១-ក្រទ្បេកមើលស្លាកសញ្ញាប្រាប់ទិសដៅចរាចរណ៍(សាលារៀន) ។ នៅលើស្ថានភាពផ្លូវដែលស្លាកសញ្ញាបញ្ជាក់ថា មានសិស្សសាលាឆ្លងកាត់នោះ គឺតម្រូវឱ្យអ្នកបើកបរបន្ថយល្បឿន ហើយអ្វីដែលមិនគួរគប្បីអនុវត្តនោះ គឺការជាន់ហ្វ្រាំងប្រថុចញ៉ុច ឬទាំងបង្ខំ ។
២-ប្រើក្រសែភ្នែកផ្តោតលើទោចក្រយានយន្តគ្រប់ប្រភេទ ។ តាមបណ្តាសាលារៀននានា មិនត្រឹមតែមានអ្នកថ្មើរជើងឆ្លងកាត់ផ្លូវប៉ុណ្ណោះទេ វាថែមទាំងមានសិស្សានុសិស្សប្រើប្រាស់ទោចក្រយានផ្សេងៗទៀតផងដែរ ដូចនេះត្រូវប្រុងស្មារតីឱ្យវាងវៃបន្តិច ទើបឆ្លើយតបតាមលក្ខខណ្ឌចរាចរណ៍បានល្អ និងប្រកបដោយសុវត្ថិភាព ។ ត្រង់ចំណុចនេះមានសិស្សខ្លះជិះកង់លើផ្លូវអ្នកថ្មើរជើង ឯខ្លះទៀតជិះប្រកាន់ស្តាំដៃនិងមួយចំនួនចេញដំណើរបញ្ច្រាសទិសដៅ ឬឆ្លងផ្លូវឆ្វេកឆ្វាច ដូច្នេះគឺអ្នកត្រូវតែប្រុងប្រយ័ត្នពីសកម្មភាពជុំវិញយានជំនិះរបស់អ្នក ឬក៏បើកចៀសពួកគេយឺតៗទុកគម្លាតឱ្យទូលាយបន្តិចតាមដែលអាចធ្វើទៅបាន លើស្ថានភាពផ្លូវជាក់ស្តែង។ ម្យ៉ាងទៀត សង្កេតមើលសកម្មភាពបម្រុងឆ្លងផ្លូវរបស់ពួកគេនៅមុខរថយន្តអ្នកឱ្យមែនទែន ។
៣-កត្តាគួរប្រុងប្រយ័ត្នពេលបើកជែងរថយន្តដឹកសិស្ស ។ ប្រសិនជាអ្នកសម្រេចចិត្តថា ត្រូវតែបើកជែងរថយន្តដឹកសិស្សនោះ គឺត្រូវតែបង្កើនស្មារតីប្រុងប្រយ័ត្នខ្ពស់បំផុត ។ មួយវិញទៀត ចូរចងចាំថា មិនត្រូវបើកជែងរថយន្តដែលកំពុងឈប់ដាក់សិស្សនោះទ្បើយ ព្រោះអ្នកបើកបរមិនបានដឹងច្បាស់ថា ក្មេងៗទាំងអស់នោះ អាចនឹងដើរឆ្លងផ្លូវ ឬក៏ដើរចូលសាលារៀនរបស់ពួកគេទ្បើយ ។ ដូច្នេះគឺនៅពេលរថយន្តទាំងនោះឈប់អ្នកគួរឈប់ពីក្រោយ ឬបង្អន់ល្បឿនទាបបំផុត ។ មានពេលខ្លះក្មេងៗសិស្សមួយចំនួនអាចបំលាស់ទីមួយរំពេចដែលធ្វើឱ្យអ្នកបើកបររថយន្តតាមក្រោយមើលមិនទាន់ទ្បើយ សកម្មភាពទាំងនោះវាជាហានិភ័យធំបំផុត ។
៤-ពិនិត្យមើលលើភ្លើងសញ្ញាភ្លឹបភ្លែតៗដែលមន្ត្រីអ្នកធ្វើសញ្ញាចរាចរណ៍នៅតំបន់នោះ ចង្អុលប្រាប់ពីសកម្មភាពមានការធ្វើចរាចរថ្មើរជើងឆ្លងកាត់ផ្លូវ ។ ដូចនេះត្រូវបង្អន់ល្បឿនរថយន្តទុកឱកាសឱ្យពួកគេបំលាស់ទីរួចរាល់ ទើបបន្តដំណើរទៅមុខទៀត ។
៥-បង្កើនការប្រុងប្រយ័ត្នទ្វេដងពេលជិតដល់ចំណុចនោះ ។ នៅពេលរថយន្តបោះពួយជិតដល់តំបន់មានសិស្សសាលាឆ្លងកាត់ផ្លូវ លោកអ្នកត្រូវជាន់ហ្វ្រាំងទប់ល្បឿនឱ្យស្ថិតក្នុងកម្រិតសុវត្ថិភាពមុននឹងបន្តដំណើរទៅមុខ ពីព្រោះអ្នកមិនដឹងមុនថា ពេលណាពួកគេឆ្លងផ្លូវដោយពុំបានមើលឆ្វេងស្តាំនោះទ្បើយ ។
៦-ធ្វើចរាចរតាមដែលអាចធ្វើទៅបាន ។ យកជើងចេញពីឈ្នាន់ហ្គារ៍ ហើយដាក់លើឈ្នាន់ហ្វ្រាំងវិញ ក្នុងករណីនេះគឺអ្នកចាំាបាច់ត្រូវតែបញ្ឈប់ល្បឿនរថយន្តភ្លាម បើស្ថានការតម្រូវ ។ ការប្រតិបត្តិគោលការណ៍នេះ ភាគច្រើនគេប្រើក្នុងតំបន់មានមនុស្សច្រើន ពិសេសពេលសិស្សឆ្លងផ្លូវតែម្តង ហើយវាក៏ជាកត្តាដែលនាំឱ្យមានការកំណត់ល្បឿនបើកបរទាបជាងមុន ក្នុងតំបន់មានសាលារៀនផងដែរ ៕
ចែករំលែកព័តមាននេះ