ណៃពិដោ ៖ តាមការគណនារបស់ក្រសួងថាមពលអគ្គិសនីបង្ហាញថា ប្រទេសមីយ៉ាន់ម៉ានឹងត្រូវការថាមពលអគ្គិសនីបន្ថែមចំនួន២.៥០០មេហ្គាវ៉ាត់ ស្មើនឹងឧស្ម័នធម្មជាតិ១៤.១៥៨.៤២៣ម៉ែត្រគូបនៅឆ្នាំ២០១៥ ខាងមុខ ។ លោក Pyae Wa Htun នាយកប្រតិបត្តិក្រុមហ៊ុន Parami Energy Group ថ្លែងថា ក្រសួងថាមពលអះអាងថា ថាមពលអតិបរមាដែលអាចរកបន្ថែមបាននោះ
ណៃពិដោ ៖ តាមការគណនារបស់ក្រសួងថាមពលអគ្គិសនីបង្ហាញថា ប្រទេសមីយ៉ាន់ម៉ានឹងត្រូវការថាមពលអគ្គិសនីបន្ថែមចំនួន២.៥០០មេហ្គាវ៉ាត់ ស្មើនឹងឧស្ម័នធម្មជាតិ១៤.១៥៨.៤២៣ម៉ែត្រគូបនៅឆ្នាំ២០១៥ ខាងមុខ ។ លោក Pyae Wa Htun នាយកប្រតិបត្តិក្រុមហ៊ុន Parami Energy Group ថ្លែងថា ក្រសួងថាមពលអះអាងថា ថាមពលអតិបរមាដែលអាចរកបន្ថែមបាននោះមានចំនួន១៤.០០០មេហ្គាវ៉ាត់ក្នុងឆ្នាំ២០៣០ ហើយកម្រិតដែលទាបបំផុត គឺ៩.០០០មេហ្គាវ៉ាត់ ។
សម្រាប់ឆ្នាំ២០១៥ យើងត្រូវការថាមពលបន្ថែម២.៥០០មេហ្គាវ៉ាត់ ។ គួរបញ្ជាក់ថា មីយ៉ាន់ម៉ាកំពុងតែប្រឈមនឹងវិបត្តិថាមពល គឺចាំបាច់ត្រូវតែមានការចរចាជាមួយនឹងបណ្តាប្រទេសជិតខាង ក្នុងនោះរដ្ឋាភិបាលមិនគួរផ្តល់អាទិភាពទៅលើការនាំចេញទាំងឡាយណាដែលគ្មានអត្ថប្រយោជន៍ចំពោះប្រជាជនក្នុងស្រុកឡើយ ហើយបច្ចុប្បន្នគួរតែមានការកំណត់ការនាំចេញ។ បច្ចុប្បន្នឧស្ម័នធម្មជាតិដែលចម្រាញ់បានក្នុងមួយថ្ងៃមានចំនួន៥៦.៤៩២.១០៩ម៉ែត្រគូបពីគម្រោងចំនួនរុករកចំនួន៤កន្លែង ខណៈដែលបរិមាណនាំចេញមានចំនួន៤៨.១១០.៣២២ម៉ែត្រគូប ។
ទោះជាយ៉ាងណា គម្រោង Shwe Natural Gas នាំចេញ១០.៧៣២.០៨៤ម៉ែត្រគូបជារៀងរាល់ថ្ងៃទៅប្រទេសចិន និងប្រើប្រាស់ក្នុងស្រុក៤៨១.៣៨៦ម៉ែត្រគូប ។ ឯគម្រោង Yadana Natural Gas ផលិតឱ្យបាន២៥.៧៦៨.៣៣០ម៉ែត្រគូបជារៀងរាល់ថ្ងៃ និងប្រើប្រាស់ក្នុងស្រុកចំនួន៣.៣៦៩.៧០៤ម៉ែត្រគូប ។ ចំណែកគម្រោង Ye Ta Khun គឺសម្រាប់នាំចេញទាំងស្រុងចំនួន៩.៣៤៤.៥៥៩ម៉ែត្រគូប ខណៈគម្រោង Zawtika ប្រើប្រាស់ក្នុងស្រុកប្រមាណជា១.៨១២.២៧៨ម៉ែត្រគូប និងនាំចេញ៧.៩០០.៤០០ម៉ែត្រគូប ៕
ចែករំលែកព័តមាននេះ