រាជធានីភ្នំពេញ ៖ ក្រុមហ៊ុន Samsung Electronics Co ., Ltd. ចូលរួមនៅក្នុងពិព័រណ៍សៀវភៅ ហ្វ្រែងហ្វើត ដែលជាពិព័រណ៍ប្រមូលផ្តុំសៀវភៅអានរបស់អ្នកនិពន្ធល្បីៗបំផុតក្នុងពិភពលោក ។ វត្តមានរបស់Samsung Electronics ក្នុងពេលនេះគឺជាដៃគូផ្តួចផ្តើមប្រកបដោយគំនិតច្នៃប្រឌិតដំបូងបង្អស់ក្នុងការបង្ហាញឧបករណ៍អេឡិចត្រូនិកដែលផ្តល់សមត្ថភាពខ្ពស់លើការអានអក្សរបែបឌីជីថលថ្មី ដើម្បីសម្របតាមការវិវត្តន៍នៃបច្ចេកវិទ្យាក្នុងពេលបច្ចុប្បន្ន ដូចជាគ្រប់ស៊េរីទូរស័ព្ទ និងTablet ក្នុងត្រកូល
Galaxy ។
តាមសម្តីរបស់លោក Younghee Lee អនុប្រធានប្រតិបត្តិជាន់ខ្ពស់ទីផ្សារសាកល ផ្នែក ព័ត៌មានវិទ្យា និងទូរស័ព្ទចល័តនៃក្រុមហ៊ុនSamsung Electronics បានឱ្យដឹងថា សៀវភៅអានអេឡិចត្រូនិកបានទៅដល់ដៃអ្នកអានតាមលក្ខណៈប្រភេទឌីជីថលផ្សេងគ្នា ដូចនេះហើយទើបSamsung ព្យាយាមផ្តល់ជូននូវជម្រើសឧបករណ៍បច្ចេកវិទ្យាទំនើប និងច្នៃប្រឌិតចុងក្រោយដែលផ្តោតលើការអាន និងមាតិកា ។ នៅក្នុងស្មារតីនេះយើងបានសហការជាមួយពិព័រណ៍សៀវភៅហ្វ្រែងហ្វើត ជាកន្លែងដែលយើងអាចធ្វើការបង្ហាញពីការប្តេជ្ញាចិត្តចំពោះការបោះពុម្ពផ្សាយអន្តរជាតិ និងការលះបង់របស់យើងដើម្បីដំណោះស្រាយបញ្ហាបទពិសោធន៍អានសៀវភៅ ដែលបង្ហាញតាមរយៈទូរស័ព្ទ Galaxy Note 4 និង Tablet Galaxy Tab S ។
ចំពោះលោក Jergen Boos នាយករៀបចំពិព័រណ៍សៀវភៅ ហ្វ្រែងហ្វើត បានឱ្យដឹងផងដែរថា យើងពិតជាមានមោទនភាពដែលមានSamsung ជាដៃគូគំនិតច្នៃប្រឌិតដំបូងបង្អស់ ហើយយើងពិតជារីករាយក្នុងការបង្ហាញនូវបច្ចេកវិទ្យាក្នុងការផ្លាស់ប្តូរជីវិតរស់នៅរបស់យើង និងរបៀបទទួលយកនូវអ្វីដែលមានក្នុងនោះ ។ក្នុងឆ្នាំ 2013 Samsung បានចាប់ផ្តើមផ្តោតសំខាន់លើការអានឌីជីថល តាមរយៈការណែនាំ Galaxy Note 8.0 ដោយបំពាក់នូវបច្ចេកវិទ្យាសម្រាប់ភាពងាយស្រួលក្នុងការអានក៏ដូចជាកែសម្រួលពន្លឺ និងផ្ទៃពណ៌ជាដើម ។
ដោយមើលឃើញពីតម្រូវការ និងភាពពេញនិយមលើការអានបែបឌីជីថលកាន់តែខ្លាំង ក្នុងដើមឆ្នាំនេះ Samsung បានផ្តល់ជូនកម្មវិធីKindle ដែលជាបណ្ណាល័យសៀវភៅឌីជីថលសម្រាប់ទូរស័ព្ទ និងTablet ស៊េរីGalaxy។ Samsung ក៏បានសហការជាមួយBarne & Noble ដោយបញ្ចេញGalaxy Tab 4 NOOK នៅសហរដ្ឋអាមេរិក ដែលជាTablet ចុងក្រោយបំផុតបំពាក់ដោយបច្ចេកវិទ្យា ជាពិសេសគ្រប់យ៉ាងសម្រាប់ការអាន ។
នៅខែមិថុនា២០១៤ ថ្មីៗនេះ Samsung បានសហការជាមួយMarvel ដើម្បីនាំយកបណ្ណាល័យដ៏អស្ចារ្យផ្ទុកដោយសៀវភៅអាន ១៥.០០០ក្បាល ទៅក្នុងGalaxy Tab S តាមរយៈកម្មវិធី Marvel Unlimited Application។ Samsung និងMarvel កំពុងធ្វើការយ៉ាងសកម្មដើម្បីបន្ថែមមាតិកាឱ្យកាន់តែទំនើបនៅលើ Galaxy Tab S និងនាឡិកា Gear VR។
លោក Joe Quesada ប្រធានផ្នែកច្នៃប្រឌិត Marvel Entertainment បានបញ្ជាក់ប្រាប់ថា Marvel មានបំណងបង្កើតនូវបទពិសោធន៍ការអានកម្សាន្តលក្ខណៈឌីជីថលដ៏អស្ចារ្យមួយដោយផ្តល់ភាពរីករាយ និងការផ្សារភ្ជាប់អារម្មណ៍អ្នកឱ្យដូចនៅពេលអ្នកអានសៀវភៅផ្ទាល់។
ភាពជាដៃគូរបស់យើងជាមួយSamsung បានជួយរក្សាកម្រិតគុណភាពជាមួយសមត្ថភាពដើម្បីផ្តល់រឿងប្រលោមលោកឌីជីថលនៅលើឧបករណ៍បច្ចេកវិទ្យាច្នៃប្រឌិតថ្មីដែលមិនគ្រាន់តែត្រូវបានបង្កើតឡើងប៉ុណ្ណោះទេ ប៉ុន្តែផ្តល់ជូនលើសពីការគិតដូចជា ពណ៌ និងគុណភាពអក្សរ ។ យើងក៏បានសហការជាមួយSamsung ដើម្បីនាំយកសាច់រឿង ប្រលោមលោកឱ្យទៅជាខ្សែភាពយន្តដើម្បីឱ្យឃើញរូបភាពពិតជាក់ស្តែងដែលអាចទស្សនាបាននៅលើទូរស័ព្ទSamsung ដ៏អស្ចារ្យរបស់ពួកគេ៕
ចែករំលែកព័តមាននេះ