រាជធានីភ្នំពេញ ៖ ព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្តរជាតិអង្គរវត្តលើកទី១៩ដែលនឹងប្រារព្ធធ្វើនៅខាងមុខប្រាសាទអង្គរវត្ត នាព្រឹកថ្ងៃទី០៧ ធ្នូ ២០១៤ ក្នុងខេត្តសៀមរាបនោះ មកដល់ពេលនេះមានអ្នកចុះឈ្មោះចូលរួមបានចំនួនជាង៤.០០០នាក់ហើយ ។
ថ្លែងនៅក្នុងសន្និសីទសារព័ត៌មានកាលពីព្រឹកថ្ងៃទី៣០ តុលា នៅទីស្នាក់ការគណៈកម្មាធិការជាតិអូឡាំពិកម្ពុជា(NOCC) លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធាន គណៈកម្មាធិការជាតិអូឡាំពិកកម្ពុជា មានប្រសាសន៍ថា ព្រឹត្តិការណ៍រត់ពាក់កណ្តាលម៉ារ៉ាតុងនេះ គឺជាព្រឹត្តិការណ៍ទេសចរណ៍មួយដែលមានការទាក់ទាញខ្លាំងដល់កីឡាករ កីឡាការិនីទាំងជាតិនិងអន្តរជាតិ ជារៀងរាល់ឆ្នាំ ។ កីឡាជាចំណែកមួយយ៉ាងសំខាន់ក្នុងវិស័យទេសចរណ៍នៅកម្ពុជា ដែលបានទាក់ទាញភ្ងៀវទេសចរលើពិភពលោកឲ្យមកស្គាល់កម្ពុជាកាន់តែច្រើនឡើង ក្នុងនោះអ្វីដែលកាន់ពិសេសគឺកាលពីពេលថ្មីនេះប្រាសាទអង្គរវត្តរបស់កម្ពុជា បានក្លាយជាម្ចាស់ជ័យលាភីពានរង្វាន់ ទីតាំងបុរាណវិទ្យា ដែលមានអ្នកស្រឡាញ់ច្រើនបំផុត សម្រាប់ឆ្នាំ២០១៤ តាមរយៈការបោះឆ្នោត លើប្រព័ន្ធអនឡាញ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ