រាជធានីភ្នំពេញ ៖ បើគ្មានអ្វីប្រែប្រួលនោះទេ នាយករដ្ឋមន្រ្តីនៃព្រះរាជាណាចក្រថៃ លោក បា្រយុទ្ឋ ច័ន្ទអូចា នឹងអញ្ជើញមកដល់ព្រះរាជាណាចក្រកម្ពុជានៅម៉ោង២និង១៥នាទីរសៀលថ្ងៃទី៣០ តុលា ២០១៤ ក្នុងដំណើរបំពេញទស្សនកិច្ចផ្លូវការរយៈពេលពីរថ្ងៃ ។
រាជធានីភ្នំពេញ ៖ បើគ្មានអ្វីប្រែប្រួលនោះទេ នាយករដ្ឋមន្រ្តីនៃព្រះរាជាណាចក្រថៃ លោក បា្រយុទ្ឋ ច័ន្ទអូចា នឹងអញ្ជើញមកដល់ព្រះរាជាណាចក្រកម្ពុជានៅម៉ោង២និង១៥នាទីរសៀលថ្ងៃទី៣០ តុលា ២០១៤ ក្នុងដំណើរបំពេញទស្សនកិច្ចផ្លូវការរយៈពេលពីរថ្ងៃ ។
បន្ទាប់មកនៅម៉ោង៣រសៀលថ្ងៃព្រហស្បតិ៍ដដែលនេះ លោកនាយករដ្ឋមន្រ្តីថៃ នឹងត្រូវសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ធ្វើពិធីទទួលស្វាគមន៍ជាផ្លូវការនៅវិមានសន្តិភាព ទីស្តីការនាយករដ្ឋមន្រ្តី មុនបើកកិច្ចពិភាក្សា ។
បើតាមសេចក្តីជូនព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិរបស់ប្រទេសកម្ពុជាបានបញ្ជាក់ពីកម្មវិធីនៃដំណើរទស្សនកិច្ចរបស់នាយករដ្ឋមន្រ្តីថៃនៅកម្ពុជាឲ្យដឹងថា លោក បា្រយុទ្ឋ ច័ន្ទអូចា នឹងអញ្ជើញទៅគោរពព្រះវិញ្ញាណក្ខន្ឋ ព្រះករុណា ព្រះបរមរតនកោដ្ឋ នៅមណ្ឌលព្រះបរមរូបសួនច្បារវិមានឯករាជ្យ និង ចូលបង្គំគាល់ព្រះករុណា ព្រះបាទ សម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ។
បន្ទាប់មកលោកនាយករដ្ឋមន្រ្តីថៃ និង សម្តេចនាយករដ្ឋមន្រ្តី ហ៊ុន សែន នឹងធ្វើជាសាក្សីក្នុងពិធីចុះហត្ថលេខាលើឯកសារចំនួន០៣ដូចខាងក្រោម ៖
១-អនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការទេសចរណ៍រវាងប្រទេសទំាងពីរ ។
២-អនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការទ្វេភាគី ដើម្បីលុបបំបាត់ការជួញដូរមនុស្ស និងជួយដល់ជនរងគ្រោះដោយសារការជួញដូរ រវាងប្រទេសទំាងពីរ ។
៣-អនុស្សរណៈនៃការយោគយល់គ្នា ស្តីពីការតភ្ជាប់ផ្លូវដែក រវាងប្រទេសទំាងពីរ ។
ក្រោយបិទបញ្ចប់ដំណើរទស្សនកិច្ច សម្តេចតេជោ ហ៊ុន សែន និង លោក បា្រយុទ្ឋ ច័ន្ទអូចា នឹងធ្វើសន្និសីទកាសែតរួមគ្នា ៕
ចែករំលែកព័តមាននេះ