សេអ៊ូល ៖ តាមទិន្នន័យរបស់រដ្ឋាភិបាលបង្ហាញថា ទិន្នផលនៃឧស្សាហកម្មរបស់ប្រទេសកូរ៉េខាងត្បូងក្នុងខែកញ្ញា កើនឡើងតិចតួចធៀបនឹងខែមុន បុ៉ន្តែការធ្លាក់ចុះនៃផលិតកម្មទំនិញសំខាន់ៗសម្រាប់នាំចេញបានបង្ហាញពីសញ្ញានៃភាពចុះខ្សោយទាំងស្រុង ។
តួលេខបញ្ជាក់ថា ផលិតកម្មរ៉ែ ឧស្សាហកម្ម ឧស្ម័ន និងគ្រឿងអេឡិចត្រូនិក បានកើនឡើង០,១% ក្នុងខែកញ្ញា ដែលជាការរើបឡើងវិញពីភាពរួញចុះ៣,៩% កាលពីខែសីហា ។ ទិន្នផលផលិតកម្មនៅតែមិនប្រែប្រួលពីខែមុនឡើយ ជាមួយនឹងការធ្លាក់ចុះនៅក្នុងទំនិញនាំចេញសំខាន់ៗដូចជា ផលិតផលពាក់កណ្តាលសម្រេច និងរថយន្តដែលទូទាត់ទៅនឹងកំណើនក្នុងបរិក្ខារគ្រឿងចក្រ ។ ទិន្នផលគ្រឿងបន្លាស់ និងផលិតផលពាក់កណ្តាលសម្រេច (ផ្នែកអគ្គិសនី) ធ្លាក់ចុះ៤,៤% និងរថយន្តធ្លាក់ចុះ៥,៨% ។ រីឯការនាំចេញបន្ទះឈីបអង្គចងចាំ (Memory) ទៅប្រទេសចិន ហាក់មិនសូវមានសកម្មភាព ស្របពេលទិន្នផលរថយន្តបានវាយលុកដោយការធ្វើកូដកម្មរបស់ពលករ ។
លោករដ្ឋមន្ត្រីហិរញ្ញវត្ថុបានលើកឡើងថា ខណៈពេលទិន្នផលផ្នែកឧស្សាហកម្ម និងតម្រូវការក្នុងស្រុកនៅតែមិនសូវមានសកម្មភាពការនាំចេញក៏កំពុងអស់ចំហាយនៃកំណើនផងដែរ ៕
ចែករំលែកព័តមាននេះ