សារព័ត៌មានបរទេសកាលពីពេល ថ្មីៗកន្លងមកផ្សាយថា យុវជនឥណ្ឌូណេស៊ីម្នាក់បានកាត់លិង្គរបស់ខ្លួន រួចយកទៅចោលក្នុងធុងសម្រាម ព្រោះតែតូចចិត្តគូស្នេហ៍បង្អាប់ថាវាតូចពេក ។ យុវជននោះឈ្មោះអូលីវើ អីុលលីក អាយុ២២ឆ្នាំ បានហៅរថយន្តពេទ្យទៅផ្ទះរបស់គេក្នុងទីក្រុងកូកានី ឱ្យដឹករូបគេទៅសង្គ្រោះ ។
អូលីវើ អីុលលីក អះអាងថា រូបគេកាត់លិង្គរបស់ខ្លួនចោលព្រោះឈឺចាប់ និងក្រៀមក្រំចិត្តដែលត្រូវគូស្នេហ៍បោះបង់ចោល ហើយថែមទាំងបង្អាប់ថា លិង្គរបស់គេតូច និងអសមត្ថភាពក្នុងការរួមរ័កទៀតផង ។ ប៉ូលិសបានព្យាយាមរកលិង្គរបស់អូលីវើ អីុលលីក នៅក្នុងធុងសម្រាម និងយកឱ្យគ្រូពេទ្យតភ្ជាប់វិញ តែដោយគ្រូពេទ្យមិនអាចតភ្ជាប់បាន ក៏បញ្ជូនបន្តទៅមន្ទីរពេទ្យផ្សេងទៀត ឱ្យជួយសង្គ្រោះយុវជននោះ ។
ជាករណីទី២ហើយនៅឥណ្ឌូណេស៊ី ដែលបុរសកាត់លិង្គរបស់ខ្លួនចោល ។ លើកទី១ បុរសអាយុ៤០ឆ្នាំ ម្នាក់កាត់លិង្គរបស់ខ្លួនបោះចោល ប៉ុន្តែសំណាងអាក្រក់គ្រូពេទ្យមិនអាចជួយតភ្ជាប់វិញបានទេ ព្រោះលិង្គនោះគេបោះចូលក្នុងបង្គន់ និងហូរតាមលូទៅបាត់ ៕
ចែករំលែកព័តមាននេះ