ប្រធានាធិបតីថ្មីអាហ្វហ្គានីស្ថាន លោកអាស្ត្រាវហ្គានី អាហ៍ម៉ាដហ្សៃ បានមកដល់ក្រុងប៉េកាំងកាលពីថ្ងៃទី២៨ តុលា ដើម្បីបំពេញទស្សនកិច្ចផ្លូវរដ្ឋរយៈពេល៤ថ្ងៃមួយនៅប្រទេសចិន តាមការអញ្ជើញរបស់សមភាគីចិន លោកស៊ី ជីនពីង ។លោកបានជួបពិភាក្សាកាលពីថ្ងៃទី២៨ តុលា ជាមួយសមភាគីចិន ដែលអះអាងជាថ្មីនាឱកាសនោះពីការជួយទ្រទ្រង់របស់ចិនដល់ការកសាងប្រទេសនេះ
ប្រធានាធិបតីថ្មីអាហ្វហ្គានីស្ថាន លោកអាស្ត្រាវហ្គានី អាហ៍ម៉ាដហ្សៃ បានមកដល់ក្រុងប៉េកាំងកាលពីថ្ងៃទី២៨ តុលា ដើម្បីបំពេញទស្សនកិច្ចផ្លូវរដ្ឋរយៈពេល៤ថ្ងៃមួយនៅប្រទេសចិន តាមការអញ្ជើញរបស់សមភាគីចិន លោកស៊ី ជីនពីង ។លោកបានជួបពិភាក្សាកាលពីថ្ងៃទី២៨ តុលា ជាមួយសមភាគីចិន ដែលអះអាងជាថ្មីនាឱកាសនោះពីការជួយទ្រទ្រង់របស់ចិនដល់ការកសាងប្រទេសនេះដែលខ្ទេចខ្ទាំដោយសង្គ្រាមឡើងវិញ ព្រមទាំងសន្យាផ្តល់ជំនួយយ៉ាងធំមួយដល់អាហ្វហ្គានីស្ថាន ។
លោកស៊ី ជីនពីង ថ្លែងថា ចិននឹងពង្រឹងការជួយរបស់ខ្លួនដល់ការកសាងឡើងវិញដោយសន្តិវិធីរបស់អាហ្វហ្គានីស្ថាន ព្រមទាំងនឹងជួយប្រទេសនេះរៀបចំផែនការអភិវឌ្ឍសេដ្ឋកិច្ច និងសង្គម ជួយបណ្តុះបណ្តាលបុគ្គលិក និងជួយអភិវឌ្ឍខាងកសិកម្ម ធារាសាស្ត្រ និងការកសាងបណ្តាហេដ្ឋារចនាសម្ព័ន្ធ ។ លោកបន្តថា ចិនចង់ជំរុញឱ្យមានការរីកចម្រើននៃគម្រោងធំៗដូចជា គម្រោងរ៉ែស្ពាន់នៅ AYNAK និងគម្រោងរុករកប្រេងកាតនៅ AMOU DARIA ដើម្បីជួយដល់ការអភិវឌ្ឍសេដ្ឋកិច្ចរបស់អាហ្វហ្គានីស្ថាន និងកែលម្អជីវភាពរស់នៅរបស់ប្រជាជន ។
យោងតាមសេចក្តីប្រកាសរួម ចិននឹងជួយផ្តល់ប្រាក់៥០០លានយន់ (ប្រមាណ៨១,៨លានដុល្លារ) ជាជំនួយដល់រដ្ឋាភិបាលអាហ្វហ្គានីស្ថានក្នុងឆ្នាំ២០១៤ ព្រមទាំងចុះហត្ថលេខាជាមួយប្រទេសនេះលើកិច្ចព្រមព្រៀងសហប្រតិបត្តិការសេដ្ឋកិច្ច និងបច្ចេកទេសទ្វេភាគី ។សេចក្តីប្រកាសរួមនេះបញ្ជាក់ថា ចិននឹងផ្តល់ជំនួយសរុប១,៥ពាន់លានយន់ (ប្រមាណ២៤៥,៤លានដុល្លារ) ដល់អាហ្វហ្គានីស្ថាន ។
លោកហ្គានី ដែលឡើងកាន់អំណាចពីថ្ងៃទី២៩ កញ្ញាមក ហើយមកកាន់ប្រទេសចិនមុនគេនោះប្រកាសថា ប្រទេសរបស់លោកនឹងចាត់ទុកចិនជាដៃគូយុទ្ធសាស្ត្រមួយដែលនឹងជួយឱ្យមានស្ថិរភាព និងការអភិវឌ្ឍក្នុងប្រទេសលោក ៕
ចែករំលែកព័តមាននេះ