កាលពីថ្ងៃអង្គារម្សិលមិញ កីឡាករស៊ែប៊ីណូវ៉ាក់ យ៉ូកូវិច បានឆ្លងចូលដល់ជុំទី៣ កម្មវិធីប្រកួតវាយកូនបាល់ Paris Masters បន្ទាប់ពីបានផ្តួលកីឡាករជើងខ្លាំងរបស់អាល្លឺម៉ង់ Philipp Kolschreiber ក្នុងជុំទី២ ។ ដូចជាឆ្នាំមុនដែរ ការប្រកួតនេះត្រូវបានរៀបចំធ្វើនៅទីក្រុងប៉ារីស ប្រទេសបារាំង ។
កាលពីថ្ងៃអង្គារម្សិលមិញ កីឡាករស៊ែប៊ីណូវ៉ាក់ យ៉ូកូវិច បានឆ្លងចូលដល់ជុំទី៣ កម្មវិធីប្រកួតវាយកូនបាល់ Paris Masters បន្ទាប់ពីបានផ្តួលកីឡាករជើងខ្លាំងរបស់អាល្លឺម៉ង់ Philipp Kolschreiber ក្នុងជុំទី២ ។ ដូចជាឆ្នាំមុនដែរ ការប្រកួតនេះត្រូវបានរៀបចំធ្វើនៅទីក្រុងប៉ារីស ប្រទេសបារាំង ។
យ៉ូកូវិច ដែលទើបក្លាយជាឪពុករបស់ក្មេងម្នាក់កាលពីសប្តាហ៍កន្លងទៅបានផ្តួល Kolschreiber ក្នុងលទ្ធផល៦-៣ និង៦-៤ ។
សូមរំលឹកថា កាលពីឆ្នាំ២០១២ ក្នុងកម្មវិធីនេះ យ៉ូកូវិច បានបរាជ័យក្នុងជុំបើកឆាក ដោយកាលនោះគឺជាលើកទី១ ហើយដែលរូបគេចាញ់ក្នុងជុំដំបូង ។ ថ្លែងបន្ទាប់ពីបញ្ចប់ការប្រកួត កីឡាករវ័យ២៧ឆ្នាំរូបនេះបានបញ្ជាក់ថា ៖ «ខ្ញុំដឹងថា បញ្ហាដ៏សំខាន់របស់ខ្ញុំ គឺកម្លាំង ។ ខុសពីឆ្នាំមុន ការប្រកួតរបស់ខ្ញុំលើកនេះ គឺល្អទាំង២សិត ។ ខ្ញុំដឹងថា កម្រិតខ្លួនឯងពិតជាគ្រាន់បើបន្តិច ។ ខ្ញុំបានព្យាយាមវាយលុកគ្រប់វគ្គ ។ ២-៣សប្តាហ៍ចុងក្រោយនេះ ខ្ញុំបានឆ្លងកាត់ស្ថានភាពដ៏លំបាកបំផុត» ។
នៅជុំបន្ទាប់ គេនឹងប៉ះជាមួយអ្នកឈ្នះក្នុងការប្រកួតរវាងកីឡាករអាមេរិក John Isner និងកីឡាករបារាំង Gael Monfils ។
ឯកីឡាករជើងខ្លាំងរបស់ឆែក Tomas Berdych ដែលឈ្នះពាន Masters ទើបមួយលើកក្នុងអាជីព ក៏បានឡើងទៅជុំបន្ទាប់ផងដែរបន្ទាប់ពីផ្តួលកីឡាករម្ចាស់ផ្ទះបារាំង Adrian Mannarino ក្នុងលទ្ធផល៦-៤, ៦-៧ និង៦-២។ នៅជុំបន្ទាប់ គេនឹងជួបជាមួយកីឡាករអាមេរិក Sam Querrey ឬកីឡាករអេស្ប៉ាញ Feliciano Lopez ។
ចំណែកលទ្ធផលគូប្រកួតផ្សេងទៀតមានដូចជា កីឡាករ Kevin Anderson យកឈ្នះកីឡាករអាហ្សង់ទីន Santiago Giraldo ក្នុងលទ្ធផល៦-៤ និង៧-៦ ខណៈកីឡាករម្ចាស់ផ្ទះ Gilles Simon ចាញ់ក្រោមដៃកីឡាករអេស្ប៉ាញ FernandoVerdasco ក្នុងលទ្ធផលពិន្ទុ ៦-៣, ៣-៦ និង៦-៤ ៕
ចែករំលែកព័តមាននេះ