រាជធានីភ្នំពេញ ៖ បុគ្គលិកអង្គការ Save The Children ដែលត្រូវជនមិនស្គាល់មុខបា.ញ់ត្រូវចំស្មាខាងឆ្វេងបៀមគ្រាប់ខាងក្នុងប៉ះពាល់ដល់សួតរបួសធ្ងន់ធ្ងរនោះ បានត្រូវក្រុមគ្រួសារបញ្ចូនទៅសង្គ្រោះនៅប្រទេស វៀតណាមហើយ ។
រាជធានីភ្នំពេញ ៖ បុគ្គលិកអង្គការ Save The Children ដែលត្រូវជនមិនស្គាល់មុខបាញ់ត្រូវចំស្មាខាងឆ្វេងបៀមគ្រាប់ខាងក្នុងប៉ះពាល់ដល់សួតរបួសធ្ងន់ធ្ងរនោះ បានត្រូវក្រុមគ្រួសារបញ្ចូនទៅសង្គ្រោះនៅប្រទេសវៀតណាមហើយ ។
គួរបញ្ជាក់ថា ហេតុការណ៍បាញ់បុរសឈ្មោះ អាន តុលា អាយុ៣៤ឆ្នាំ ជាបុគ្គលិកអង្គការ Save The Childrenនេះ បានកើតឡើងនៅម៉ោង៨និង៣០នាទីយប់ថ្ងៃទី២៧ តុលា ២០១៤ នៅមុខផ្ទះជនរងគ្រោះ ស្ថិតក្នុងភូមិបឹងសាឡាង សង្កាត់-ខណ្ឌប្ញស្សីកែវ ។
បើតាមអ្នកឆ្លើយឆ្លងព័ត៌មានកោះសន្តិភាព បានស្រង់សម្តីសមត្ថកិច្ចឲ្យដឹងថា មុនពេលកើតហេតុជនរងគ្រោះបានចេញពីធ្វើការត្រឡប់មកផ្ទះដូចសព្វដង ដោយជិះរថយន្តកូរ៉ូឡា ព៌ណស ពាក់ស្លាកលេខភ្នំពេញ 2V 5664 លុះមកដល់មុខផ្ទះ ជនរងគ្រោះក៍ចុះពីលើរថយន្តបើកទ្វាររបងផ្ទះ ស្រាប់តែលេចមុខជនមិនស្គាល់អត្តសញ្ញាណជិះម៉ូតូ C125 ព៌ណខ្មៅម្នាក់ឯង ដកកំាភ្លើងមិនស្គាល់ម៉ាកបាញ់ទៅលើជនរងគ្រោះ បណ្តាលឲ្យត្រូវស្មាខាងឆ្វេងរងរបួសធ្ងន់ធ្ងរ ហើយជនល្មើសជិះគេចខ្លួនបាត់តែម្តង ។ ក្រោយកើតហេតុ ជនរងគ្រោះត្រូវបានក្រុមគ្រួសារបញ្ចូនភ្លាមៗយកទៅសង្គ្រោះបន្ទាន់ នៅមន្ទីរពេទ្យកាល់ម៉ែត្រ ។
ប្រភពពីសមត្ថកិច្ចដែលស្រង់សម្តីក្រុមគ្រួសារបុរសរងគ្រោះឲ្យដឹងថា ករណីនេះសង្ស័យពាក់ព័ន្ឋស្នេហាត្រីកោណ ពីព្រោះជនរងគ្រោះមានជាប់ពាក់ព័ន្ឋស្នេហាជាមួយនារីម្នាក់ដែលមានគូដណ្តឹងរួចហើយ និងធ្លាប់ឈ្លោះគ្នាតាមទូរស័ព្ទជាញឹកញាប់នោះថែមទៀត ។ យ៉ាងណាក៍ដោយសមត្ថកិច្ចមិនបញ្ចេញព័ត៌មានលម្អឹត និងផ្តល់អត្តសញ្ញាណនារីដែលជនរងគ្រោះមានការជាប់ពាក់ព័ន្ឋស្នេហានោះឡើយ ។
នៅពេលនេះ សមត្ថកិច្ចកំពុងធ្វើការស្រាវជ្រាវ ដើម្បីឈានដល់ការចាប់ជនបង្ក និងអ្នកពាក់ព័ន្ឋយកមកផ្ទន្ទាទោសតាមច្បាប់ ៕
ចែករំលែកព័តមាននេះ