រាជធានីភ្នំពេញ ៖ រថយន្តម៉ាកហ៊្វុយ សូ ធុនធំ ដឹកអីវ៉ាន់មួយគ្រឿងបើកឆ្លងស្ពានព្រះមុនីវង្សដាច់ហ្វ្រាំងជ្រុលទៅបុកនិងកិនម៉ូតូហុងដាឌ្រីមសេ១២៥ មួយគ្រឿងបណ្តាលឱ្យរងការខូចខាត ចំណែកអ្នកបើកម៉ូតូរងរបួសស្រាល ហើយរថយន្តមិនទាន់អស់ល្បឿនបានជ្រុលទៅបុកឡើងខឿនសួចច្បារកណ្តាលទ្រូងផ្លូវជាតិលេខ១
រាជធានីភ្នំពេញ ៖ រថយន្តម៉ាកហ៊្វុយ សូ ធុនធំ ដឹកអីវ៉ាន់មួយគ្រឿងបើកឆ្លងស្ពានព្រះមុនីវង្សដាច់ហ្វ្រាំងជ្រុលទៅបុកនិងកិនម៉ូតូហុងដាឌ្រីមសេ១២៥ មួយគ្រឿងបណ្តាលឱ្យរងការខូចខាត ចំណែកអ្នកបើកម៉ូតូរងរបួសស្រាល ហើយរថយន្តមិនទាន់អស់ល្បឿនបានជ្រុលទៅបុកឡើងខឿនសួចច្បារកណ្តាលទ្រូងផ្លូវជាតិលេខ១ កល់ជាប់ទៅមុខលែងរួច ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តម៉ាក ហ៊្វុយសូ ពណ៌ស ដឹកទំនិញមួយគ្រឿងពាក់ស្លាកលេខស្វាយរៀង 3A-0116 បើកដោយបុរសម្នាក់បានធ្វើដំណើរតាមផ្លូវលេខ២៧១ ហើយបានបើកឡើងស្ពានព្រះមុនីវង្សបំណងឆ្លងទៅកាន់ផ្លូវជាតិលេខ១ ខណៈឆ្លងមកដល់គល់ស្ពានត្រើយខាងកើតរថយន្តបានដាច់ហ្រ្វាំងជ្រុលចង្កូតទៅបុក និងកិនម៉ូតូម៉ាកហុងដាឌ្រីម សេ១២៥ ពណ៌ខ្មៅមួយគ្រឿងពាក់ស្លាកលេខភ្នំពេញ1AL-0433 បណ្តាលឱ្យម៉ូតូរងការខូចខាត ចំណែកអ្នកបើកម៉ូតូគ្រាន់តែរងរបួសស្រាល។ បន្ទាប់មករថយន្តមិនទាន់អស់ល្បឿនក៏បានជ្រុលទៅបុកឡើងខឿនសួចច្បារកណ្តាលទ្រូងផ្លូវជាតិលេខ១ កល់ជាប់ទៅមុខលែងរួច ។
ក្រោយពេលកើតហេតុសមត្ថកិច្ចចុះទៅវាស់វែង នៅកន្លែងកើតហេតុដើម្បីធ្វើការដោះស្រាយតាមនិតិវិធីច្បាប់ ។
ចែករំលែកព័តមាននេះ