រាជធានីភ្នំពេញ ៖ ក្រុមហ៊ុន Nestlé (ខេមបូឌា) ដែលជាក្រុមហ៊ុនផ្គត់ផ្គង់ផលិតផលគ្រឿងឧបភោគបរិភោគធំជាងគេនៅលើពិភពលោក បានដាក់បង្ហាញផលិតផលទឹកស៊ីអីុវ និងប្រេងខ្យង ម៉ាកមេកគី ថ្មី ដែលផលិតពីធម្មជាតិពិត១០០% នៅផ្សារទំនើបអីុអន កាលពីវេលាម៉ោង៥ល្ងាច ថ្ងៃទី២៤ តុលា ២០១៤ ។ នៅក្នុងពិធីដាក់បង្ហាញផលិតផលថ្មីនេះ មានការចូលរួមយ៉ាងច្រើនកុះករពីសំណាក់អតិថិជនដែលជាស្ត្រីមេផ្ទះ អាជីវករ អ្នកលក់ដុំ និងរាយ រួមទាំងបណ្តាញសារព័ត៌មាននានាជាច្រើនទៀត ។
សូមបញ្ជាក់ថា មេកគី គឺជាម៉ាកសញ្ញាគ្រឿងទេសដ៏ល្បី ដែលស្ត្រីមេផ្ទះនៅលើពិភពលោកទទួលស្គាល់ និងជឿជាក់លើគុណភាព ព្រមទាំងរសជាតិគ្មានពីរ ដែលជាជំនួយការដ៏ឆ្នើមសម្រាប់ផ្សំរសជាតិអាហារ ឱ្យមានឱជារស ឈ្ងុយឆ្ងាញ់ ជាប់មាត់ជាប់ចិត្ត រួមទាំងក្លិនប្រហើរឈ្ងុយ ខុសប្លែកពីផលិតផលដទៃ ។
ក្នុងនោះ ទឹកស៊ីអីុវមេកគី ផលិតចេញពីសណ្តែកសៀងសុទ្ធ១០០% តាមវិធីធម្មជាតិ ដែលធ្វើឱ្យផលិតផលមានក្លិនឈ្ងុយ រសជាតិឆ្ងាញ់ ជាប់មាត់ជាប់ចិត្ត ខុសប្លែកពីផលិតផលដទៃទៀត មិនថាលោកអ្នកយកទៅប្រឡាក់ ឆា ស្ងោរ គឺសុទ្ធតែធ្វើឱ្យអាហាររបស់លោកអ្នកប្រែក្លាយជាអាហារដែលពោរពេញទៅដោយឱជារស ។ ចំណែកប្រេងខ្យងមេកគី ជួយបន្ថែមក្លិនឈ្ងុយ និងរសជាតិឆ្ងាញ់ដល់អាហារគ្រប់ប្រភេទ ដោយទឹកប្រេងខ្យងសុទ្ធ១០០% គ្មានកូឡេស្តេរ៉ូល មិនភ្លាវ ជួយបង្កើនរសជាតិអាហារឱ្យឆ្ងាញ់មុត ជាប់មាត់ជាប់ចិត្ត អស់កង្វល់ពីបញ្ហាអាហារប្រៃជ្រុល ភ្លាវជ្រុល ដែលនាំឱ្យអាហារខូចរសជាតិ និងប៉ះពាល់ដល់សុខភាព ។
បច្ចុប្បន្ននេះ មនុស្សគ្រប់រូបមិនត្រឹមតែត្រូវការបរិភោគអាហារ ដែលមានរសជាតិឈ្ងុយឆ្ងាញ់ប៉ុណ្ណោះទេ ប៉ុន្តែគេត្រូវការសុវត្ថិភាពចំណីអាហារ ដែលមិនប៉ះពាល់ដល់សុខភាពផងដែរ ។ ដូច្នេះហើយ ទើបផលិតផលមេកគី យកចិត្តទុកដាក់អភិវឌ្ឍគុណភាពផលិតផលរបស់ខ្លួនជានិច្ចទាំងរសជាតិ និងសុវត្ថិភាពចំណីអាហារ ។
ផលិតផល មេកគី មិនថាទឹកស៊ីអីុវ ឬក៏ប្រេងខ្យងនោះទេ សុទ្ធតែផ្តោតការយកចិត្តទុកដាក់យ៉ាងហ្មត់ចត់ក្នុងការផលិត ដោយសុទ្ធតែបានឆ្លងកាត់ការត្រួតពិនិត្យសារធាតុ 3-MCPD និងសារធាតុពុលផ្សេងៗទៀត មុននឹងចេញលក់នៅលើទីផ្សារ ។ ជាងនេះទៅទៀត ផលិតផលទាំងនេះ មានរសជាតិឆ្ងាញ់ ក្លិនឈ្ងុយ ជួយបង្កើនឱជារស និងក្លិនឈ្ងុយពិសេសដល់ចំណីអាហារដែលផលិតផលដទៃមិនមានដូច ។
មេកគី ផលិតផលធម្មជាតិពិត១០០% ឆ្ងាញ់ជាង ធានាសុវត្ថិភាពជាង គ្មានកូឡេស្តេរ៉ូល និងមិនបង្កឱ្យមានជំងឺមហារីក ។ ផលិតផលល្អ គុណភាពខ្ពស់ ស្អាត មានសុវត្ថិភាព គ្រួសារមានសុភមង្គល ៕
ចែករំលែកព័តមាននេះ