រាជធានីភ្នំពេញ៖ ក្រុមហ៊ុន Samsung Electronics ក្លាយជាម៉ាកល្បីនៅលើពិភពលោកជាប់លំដាប់ថ្នាក់លេខរៀងទី7 ប្រចាំឆ្នាំ២០១៤ ដែលបានចេញផ្សាយកាលពីពេលថ្មីៗនេះតាមរយៈInterbrand ។
Samsung បានចុះឈ្មោះទៅក្នុងបញ្ជីម៉ាកពិភពលោករបស់ Interbrand នៅឆ្នាំ2009 ក្នុងលំដាប់ថ្នាក់ទី20 និងក្រោយមកបានវិឌ្ឍនយ៉ាងរហ័សឡើងមកលំដាប់ថ្នាក់ទី10 ក្នុងឆ្នាំ2012 ត្រឹមរយៈពេល3ឆ្នាំប៉ុណ្ណោះ។ មកដល់ឆ្នាំ2014 នេះ ម៉ាក Samsung មានតម្លៃ45.5ពាន់លានដុល្លារ កើនបាន15% ប្រៀបធៀបទៅនឹង39.6ពាន់លានដុល្លារ កាលពីឆ្នាំ2013 កន្លងទៅ។ Samsung បានបន្តការរីកលូតលាស់យ៉ាងលឿននៅគុណតម្លៃម៉ាករបស់ខ្លួនច្រើនជាងទ្វេដងប្រៀបធៀបទៅនឹងម៉ាកផលិតផលទាំង100របស់ពិភពលោកដែលមានកំណើនត្រឹម7.5%តែប៉ុណ្ណោះ។
ក្រុមហ៊ុន Samsung បានរក្សាតំណែងចំណាត់ថ្នាក់លេខ1 របស់ខ្លួននៅក្នុងទីផ្សារស្មាតហ្វូនសម្រាប់រយៈពេល2ឆ្នាំជាប់ៗគ្នា តាមរយៈការផលិតស្មាតហ្វូនទំនើបរួមទាំងទូរស័ព្ទស៊េរី Galaxy S និង Note ខណៈពេលដែលឧបករណ៍ពាក់ដៃ (Wearable Device) ដូចជានាឡិកា Samsung Gear និង Samsung Gear VR ក៏ជាចលករថ្មីក្នុងការជំរុញកំណើនលូតលាស់ផងដែរ។
ចំពោះទីផ្សារទូរទស្សន៍ ក្រុមហ៊ុន Samsung បានគ្រប់គ្រងក្នុងការពង្រីកភាពជាអ្នកដឹកនាំជាសកលរបស់ខ្លួនអស់រយៈពេល8ឆ្នាំ គិតមកដល់ឆ្នាំនេះតាមរយៈការណែនាំស៊េរីទូរទស្សន៍កោង Curved TVs ទៅក្នុងទីផ្សារ ហើយក្រុមហ៊ុន Samsung ក៏ឈានមុខគេលើឧបករណ៍ប្រើប្រាស់ឌីជីថលក្នុងគេហដ្ឋាន ក្នុងទីផ្សារធំៗជាមួយស៊េរីផលិតផលថ្មីសម្រាប់ផ្ទះបាយ។
យោងតាមសម្តីរបស់លោក SP Kim នាយកផ្នែកទីផ្សាររបស់ក្រុមហ៊ុន Samsung Electronics បានមានឲ្យដឹងថា យើងបន្តកិច្ចខិតខំប្រឹងប្រែងដើម្បីក្លាយជាម៉ាកផលិតផលនៅក្នុងបេះដូងរបស់អតិថិជន តាមរយៈគំនិត និងបច្ចេកវិជ្ជាច្នៃប្រឌិតថ្មីៗ ដែលផ្តល់សិទ្ធិនិងសមត្ថភាពដើម្បីរុករកបទពិសោធន៍ថ្មី និងលើកកម្ពស់ជីវិតឲ្យកាន់តែប្រសើរ។
សួមមើលតារាងកំណើននៃតម្លៃរបស់ម៉ាក Samsung (គិតជាលានដុល្លារ)
ចែករំលែកព័តមាននេះ