រាជធានីភ្នំពេញ ៖ ក្នុងកិច្ចប្រជុំជាលើកទី២ជាមួយក្រុមហ៊ុនស៊ិនទ្រីស្តីពីការសំអាត និងដឹកសំរាមក្នុងឱកាសបុណ្យអុំទូក កាលពីព្រឹកថ្ងៃទី២៧ តុលា ២០១៤ លោកអៀង អូនី អភិបាលរងរាជធានីភ្នំពេញបានណែនាំឲ្យក្រុមហ៊ុនស៊ិនទ្រីត្រូវបង្កើនសមត្ថភាពប្រមូលសំរាមនៅគ្រប់តំបន់ក្នុងរាជធានីភ្នំពេញកុំឲ្យនៅសេសសល់ចាប់ពីឥឡូវនេះទៅ ។
ជាមួយគ្នានេះត្រូវពង្រាយធុងសំរាមឲ្យបានច្រើននៅតាមទីតាំងប្រារព្វពីធីក្នុងរង្វង់២០គីឡូម៉ែត្រជុំវិញ ដែលត្រូវបានគេប៉ាន់ស្មានថា បរិមាណសំរាមនឹងកើនឡើងពី៥០០ទៅ៨០០តោនក្នុង១ថ្ងៃសំរាប់ទីតាំងប្រារព្វពិធី និងសុំឲ្យក្រុមហ៊ុន ស៊ិនទ្រី មានឆន្ទៈ និងផែនការច្បាស់លាស់កុំចាំតែសាលារាជធានីភ្នំពេញដឹកដៃទើបធ្វើនោះ ព្រោះវាជាភារកិច្ចរបស់ក្រុមហ៊ុនស៊ិនទ្រីស្រាប់ហើយ។
ទាក់ទិនការណែនាំនេះ តំណាងក្រុមហ៊ុនស៊ិនទ្រី បានអះអាងនៅចំពោះមុខសាលារាជធានីភ្នំពេញថានឹងធ្វើមិនឲ្យមានការកកស្ទះសំរាមក្នុងរាជធានីភ្នំពេញឡើយ ក្នុង
ឧិកាសបុណ្យអុំទូកឆ្នាំនេះ។ ដោយឡែកលោកសំ សាមុត ប្រធានអង្គភាពសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងដែរថាអង្គភាពរបស់លោកនឹងប្រើប្រាស់កំលាំងកម្មករបោសសំអាតសរុបចំនួន២៩០នាក់ដាក់តាមគោលដៅ៩កន្លែងតាមសួនច្បារមាននៅមុខព្រះបរមរាជវាំង សួនមុខវត្តបទុម
វត្តី សួនសម្តេចហ៊ុន សែន សួនសម្តេច ជា ស៊ីម សូនCDC សួនស្ពាននាគ សួនដូនពេញជាដើម ដែលចាប់អនុវត្តការប្រមូលសំរាមពីម៉ោង១១យប់ដល់ម៉ោង៧ព្រឹក៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ