រាជធានីភ្នំពេញ ៖ សមាគមអាសូឡិកប្រចាំនៅកម្ពុជា និងសមាគមសិល្បករខ្មែរ បានព្រមានថានឹងចាត់វិមានការតាមផ្លូវច្បាប់ចំពោះសិល្បករកម្ពុជាចំនួន២រូប ដែលបានទទួលទិដ្ឋាការទៅសម្តែងនៅសហរដ្ឋអាមេរិកកាលពីឆ្នាំកន្លងទៅ ហើយបានរត់គេចបំពានកិច្ចសន្យាជាមួយសមាគម និងរស់នៅដោយខុសច្បាប់ក្នុងប្រទេសអាមេរិក។
រាជធានីភ្នំពេញ ៖ សមាគមអាសូឡិកប្រចាំនៅកម្ពុជា និងសមាគមសិល្បករខ្មែរ បានព្រមានថានឹងចាត់វិមានការតាមផ្លូវច្បាប់ចំពោះសិល្បករកម្ពុជាចំនួន២រូប ដែលបានទទួលទិដ្ឋាការទៅសម្តែងនៅសហរដ្ឋអាមេរិកកាលពីឆ្នាំកន្លងទៅ ហើយបានរត់គេចបំពានកិច្ចសន្យាជាមួយសមាគម និងរស់នៅដោយខុសច្បាប់ក្នុងប្រទេសអាមេរិក។
សេចក្តីព្រមានរបស់សមាគមខាងលើនេះធ្វើឡើងក្នុងសន្និសីទសារព័ត៌មានមួយស្តីពីការសហការគ្នារវាងសមាគមអាសូឡិក ជាមួយសមាគមសិល្បករខ្មែរក្នុងការនាំយកសិល្បករចេញទៅសម្តែងនៅសហរដ្ឋអាមេរិក ដែលបានធ្វើឡើងកាលពីថ្ងៃទី២៦ តុលា ២០១៤ នៅសមាគមសិល្បករខ្មែរ។
សន្និសីទកាសែតខាងលើនេះធ្វើឡើងក្នុងគោលបំណងផ្សព្វផ្សាយពីការចាប់ដៃគូគ្នារវាងសមាគមសិល្បៈទាំងពីរ ដើម្បីផ្តល់ឱកាសឲ្យសិល្បករ សិល្បការិនីខ្មែរ បានចេញសម្តែងនៅសហរដ្ឋអាមេរិកស្របតាមច្បាប់ត្រឹមត្រូវ និងក្រោមការឃ្លាំមើលពីសមាគមទាំងពីរ។
ជាការកត់សម្គាល់កន្លងមកថ្មីៗនេះដោយសារតែមានករណីមិនប្រក្រតីរបស់សិល្បករខ្មែរ បានធ្វើឲ្យស្ថានទូតអាមេរិកប្រចាំកម្ពុជា មានការរឹតបណ្តឹងយ៉ាងខ្លាំងទៅលើការផ្តល់ទិដ្ឋាការដល់សិល្បករកម្ពុជាក្នុងការចេញទៅសម្តែងនៅសហរដ្ឋអាមេរិក ហើយរឿងហេតុទាំងនោះត្រូវបានគេផ្សារភ្ជាប់ទៅលើករណីគេចខ្លួនរបស់នាង ហង្ស ពិសី និងនាង ស៊ិន សូម៉ាលី ដែលបានទទួលសិទ្ធិចេញទៅសម្តែងកាលពីដើមឆ្នាំ២០១៣កន្លងទៅ តែមិនបានវិលមកប្រទេសវិញតាមការកំណត់ និងបន្តស្នាក់នៅដោយខុសច្បាប់នៅសហរដ្ឋអាមេរិក។
យ៉ាងណាក៏ដោយនៅក្នុងសន្និសីទសារព័ត៌មានខាងលើនេះប្រធានសមាគម អាសូឡិក ប្រចាំកម្ពុជាលោកស្រី មាស មរកត បានថ្លែងថា ចំពោះបញ្ហានេះលោកស្រីនឹងសហការជាមួយសមាគមសិល្បករខ្មែរ និងអាជ្ញាធរកម្ពុជា ក៏ដូចជាស្ថានទូតអាមេរិកប្រចាំកម្ពុជា ដើម្បីចាត់វិធានការតាមផ្លូវច្បាប់ចំពោះសិល្បករទាំងនេះ២រូបដែលបានធ្វើប្រាសចាកពីផ្លូវច្បាប់របស់ប្រទេសទាំងពីរដោយគេចខ្លួនមិនព្រមវិលត្រឡប់មកមាតុប្រទេសវិញរហូតផុតទិដ្ឋាការកំណត់ ៕
ចែករំលែកព័តមាននេះ