កើតមានឧប្បត្តិហេតុគ្រោះថ្នាក់ចរាចរណ៍នៅលើដងផ្លូវក្នុងក្រុងមូស្គូជាបន្តបន្ទាប់ ក្រោយពីមានរថយន្តទួរីសចំនួន៣០គ្រឿងបានដាក់បដាឃោសនាពាណិជ្ជកម្មបង្ហាញរូបសុដន់ដ៏ធំមូលក្លំនៅលើជញ្ជាំងទ្រុងរថយន្ត ដោយអត្ថបទក្នុងការឃោសនាបានបញ្ជាក់ថា «ឃើញសុដន់នឹងមានចំណាប់អារម្មណ៍» (They Attract’ across her nipples) បង្កឱ្យកើតមានគ្រោះថ្នាក់យានយន្តចំនួន៥១៧
កើតមានឧប្បត្តិហេតុគ្រោះថ្នាក់ចរាចរណ៍នៅលើដងផ្លូវក្នុងក្រុងមូស្គូជាបន្តបន្ទាប់ ក្រោយពីមានរថយន្តទួរីសចំនួន៣០គ្រឿងបានដាក់បដាឃោសនាពាណិជ្ជកម្មបង្ហាញរូបសុដន់ដ៏ធំមូលក្លំនៅលើជញ្ជាំងទ្រុងរថយន្ត ដោយអត្ថបទក្នុងការឃោសនាបានបញ្ជាក់ថា «ឃើញសុដន់នឹងមានចំណាប់អារម្មណ៍» (They Attract’ across her nipples) បង្កឱ្យកើតមានគ្រោះថ្នាក់យានយន្តចំនួន៥១៧គ្រឿងបុកគ្នាជាបន្តបន្ទាប់ក្នុងរយៈពេល១ថ្ងៃ ដោយសារអ្នកបើកបររវល់ងាកមើល សុដន់ដ៏ស្រស់ស្អាតនោះ(បាត់សមាធិ) ។
តាមរបាយការណ៍ពី «ដេលីម៉េល» របស់អង់គ្លេសកាលពីពេលថ្មីៗនេះផ្សាយថា រថយន្តផ្សាយពាណិជ្ជកម្មដែលមានបិទបដារូបសុដន់ដ៏ធំស្រស់ស្អាតរបស់ស្ត្រីបានបើកបរនៅពាសពេញក្រុងមូស្គូ ប្រទេសរុស្សុី ដើម្បីផ្សព្វផ្សាយពីរបៀបថែរក្សា ។ ហេតុការណ៍ឃោសនាពីការថែរក្សាសុដន់ដែលតាំងបង្ហាញលើរថយន្តជាច្រើនគ្រឿងនៅក្នុងទីក្រុងនេះបានបង្កឱ្យអ្នកបើកបរយានយន្តនៅលើដងផ្លូវបាត់សមាធិក្នុងការបើកបររវល់តែចាប់អារម្មណ៍ទៅលើទម្រង់សុដន់ដ៏ធំហើយស្រស់ស្អាតនោះបង្កឱ្យកើតមានគ្រោះថ្នាក់ចរាចរណ៍បើករថយន្តបុកគ្នាជាបន្តបន្ទាប់ចំនួន៥១៧គ្រឿងក្នុងរយៈពេលមួយថ្ងៃ ។
លោក អាយដា យូរៀស ជាមនុស្សម្នាក់ក្នុងចំណោមអ្នកដែលបាត់សមាធិ បានបញ្ជាក់ថា រូបគេកំពុងបើកបររថយន្តនៅទីប្រជុំជន បានឃើញសុដន់ខាងលើដែលគេដាក់តាំងបង្ហាញតាមរថយន្ត ស្រាប់តែមានរថយន្តមួយគ្រឿងទៀតមកបុកពីក្រោយរថយន្តរបស់គាត់យ៉ាងពេញទំហឹង ប្រហែលជាអ្នកបើកបររវល់សម្លឹងមើលរូបសុដន់នោះដែរ ។ ចំណែកអ្នកនាំពាក្យរបស់ក្រុមហ៊ុនឃោសនា «Sarafan Advertising Agency» ជាម្ចាស់ស្លាកបដាខាងលើបានបញ្ជាក់ថា ក្រុមហ៊ុននឹងសងថ្លៃខូចខាតទាំងអស់ដែលកើតពីឧប្បត្តិហេតុខាងលើ ។ ការដែលក្រុមហ៊ុនយល់ព្រមចេញប្រាក់សំណងទាំងនេះ ព្រោះក្រុមហ៊ុនចង់ឃោសនាផលិតផលដើម្បីទាក់ទាញអតិថិជននៅក្នុងប្រទេស ឱ្យងាកមកចាប់អារម្មណ៍លើការថែរក្សាសុដន់ ៕
ចែករំលែកព័តមាននេះ