រាជធានីភ្នំពេញ ៖ ប្រភពពីសមត្ថកិច្ចខណ្ឌមានជ័យបានបង្ហើបឲ្យដឹងថា ក្រោយធ្វើកោសលវិច័យទៅលើជនសង្ស័យម្នាក់ ដែលសមត្ថកិច្ចឃាត់ខ្លួនពាក់ព័ន្ឋនឹងអំពើប្លន់អារ.កសម្លាប់អ្នករត់ម៉ូតូឌុបនៅស្ទឹងមានជ័យនោះ ពិតជាជនដៃដល់ពិតបា្រកដដែលធ្វើសកម្មភាពខាងលើ ពីព្រោះអាវជនសង្ស័យមានប្រឡាក់ឈាមជនរងគ្រោះ(ពិនិត្យទៅដូចឈាមរបស់ឈាមជនរងគ្រោះពិតបា្រកដ) ។
គួរបញ្ជាក់ថា បុរសអ្នករត់ម៉ូតូឌុបម្នាក់ត្រូវជនសង្ស័យ២នាក់នាំយកទៅអារ.កសម្លាប់ប្លន់យកម៉ូតូបានសម្រេច ហើយព្យាយាមរត់គេចខ្លួនត្រូវសមត្ថកិច្ចដឹកនំាដោយលោក ជឹម ស៊ីថា អធិការស្តីទីនគរបាលខណ្ឌមានជ័យដេញចាប់បាន ខណៈម្នាក់ទៀតរត់គេចខ្លួនបាត់ ។ ហេតុការណ៍នេះកើតឡើង នៅមុខច្រកចូលរោងចក្រក្រដាស តាមផ្លូវលំ ក្រុម៤ ភូមិឬស្សី សង្កាត់ស្ទឹងមានជ័យ ខណ្ឌមានជ័យ កាលពីម៉ោង៨យប់ ថ្ងៃទី២៦ តុលា ២០១៤។
ជនសង្ស័យដែលសមត្ថកិច្ចឃាត់ខ្លួនក្រោមការបញ្ជាផ្ទាល់ពីលោក ជឹម ស៊ីថា អធិការស្តីទីនគរបាលខណ្ឌមានជ័យឈ្មោះ គាង ធារ៉ា ភេទប្រុស អាយុ ២៤ឆ្នាំ ជាអ្នករត់តុនៅហាងផ្ទះស្រាបៀរ ស្នាក់នៅក្នុងផ្ទះជួលក្នុងភូមិប្ញស្សី សង្កាត់ស្ទឹងមានជ័យ ជាមុខសញ្ញាប្រើបា្រស់គ្រឿងញៀន ។ ចំណែកជនរងគ្រោះឈ្មោះ កុល ចាន់ថន ភេទប្រុស អាយុ៣១ឆ្នាំ រស់នៅក្នុងភូមិចំណតត្រាច ស្រុករំដួល ខេត្តស្វាយរៀង ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ