រាជធានីភ្នំពេញ ៖ រថយន្តចង្កូតស្តាំ២គ្រឿងបើកលឿនដូចគ្នាបុកគ្នាពេញទំហឹងធ្វើឲ្យរថយន្តមួយគ្រឿងដែលគេដឹងថា ជារថយន្តរបស់តារាសម្តែង និងពិធីករម្នាក់បានខ្ទាតឡើងទៅលើខឿនមុខភូមិគ្រឹះថៅកែប្តូរប្រាក់ លីហួរ ត្រង់ចំណុចផ្លូវលេខ២៣២កែង១០៥ សង្កាត់បឹងព្រលិត ខណ្ឌ៧មករា បង្កឱ្យមានការភ្ញាក់ផ្អើលកាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី២៧ តុលា ។
រាជធានីភ្នំពេញ ៖ រថយន្តចង្កូតស្តាំ២គ្រឿងបើកលឿនដូចគ្នាបុកគ្នាពេញទំហឹងធ្វើឲ្យរថយន្តមួយគ្រឿងដែលគេដឹងថា ជារថយន្តរបស់តារាសម្តែង និងពិធីករម្នាក់បានខ្ទាតឡើងទៅលើខឿនមុខភូមិគ្រឹះថៅកែប្តូរប្រាក់ លីហួរ ត្រង់ចំណុចផ្លូវលេខ២៣២កែង១០៥ សង្កាត់បឹងព្រលិត ខណ្ឌ៧មករា បង្កឱ្យមានការភ្ញាក់ផ្អើលកាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី២៧ តុលា ។
សាក្សីនៅកន្លែងកើតហេតុបានឲ្យដឹងថា រថយន្តហុងដា ពណ៌ស ពាក់ស្លាកលេខ ភ្នំពេញ 2F 3535 ជិះគ្នា២នាក់ ក្នុងនោះអ្នករួមដំណើរម្នាក់ត្រូវគេស្គាល់ឈ្មោះ អ៊ុន សុធា ជាតារាសម្តែងភាពយន្ត និងជាពិធីករ បើកបរតាមផ្លូវលេខ១០៥ ពីត្បូងទៅជើង ចំណែករថយន្តនីស្សាន់ UB ពណ៌ស ពាក់ស្លាកលេខ ភ្នំពេញ 2B 3710 ជិះម្នាក់ឯង បើកបរតាមផ្លូវលេខ២៣២ក្នុងទិសដៅពីលិចទៅកើត ក្នុងល្បឿនលឿនដូចគ្នា ហើយជារថយន្តចង្កូតស្តាំដូចគ្នាទៀត ខណៈមកដល់ចំណុចខាងលើរថយន្តនីស្សាន់បានបើកទៅបុករថយន្តហុងដាពេញទំហឹងធ្វើឲ្យរថយន្តហុងដាជ្រុលទៅបុកខឿនផ្លោងទៅលើខឿនមុខភូមិគ្រឹះរបស់ថៅកែប្តូរប្រាក់លីហួរ បណ្តាលឲ្យរថយន្តទាំងពីរគ្រឿងខូចខាតស្ទើរទាំងស្រុង តែមិនមានអ្នករងរបួសទេ គ្រាន់តែរថយន្តហុងដាក្រពឹតទ្វារមុខចំហៀងខាងឆ្វេង និងខូចខាតផ្នែកខាងមុខ ចំណែករថយន្តនីស្សាន់ខូចខាតផ្នែកខាងមុខស្ទើរទាំងស្រុង។
ក្រោយពេលកើតហេតុអ្នកបើករថយន្តបង្កបានគេចខ្លួនបាត់ នៅសល់តែបុរស២នាក់ជិះរថយន្តហុងដានៅកន្លែងកើតហេតុ ។ រថយន្តទាំងពីរគ្រឿងត្រូវសមត្ថកិច្ចធ្វើការវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោក ៕
ចែករំលែកព័តមាននេះ