លោកវ៉ាង គីសាន លេខាធិការគណៈកម្មាធិការកណ្តាលត្រួតពិនិត្យវិន័យរបស់បក្សកុំមុយនីស្តចិន សន្យាកាលពីថ្ងៃទី២៥ តុលា ប្រឆាំងអំពើពុករលួយដោយធ្វើសកម្មភាពដូចការព្យាបាលបណ្តាដើមឈើដែលមានជំងឺ និងថា គេត្រូវលុបបំបាត់ចោលបណ្តាដើមឈើដែលពុក ។
លោកវ៉ាង គីសាន លេខាធិការគណៈកម្មាធិការកណ្តាលត្រួតពិនិត្យវិន័យរបស់បក្សកុំមុយនីស្តចិន សន្យាកាលពីថ្ងៃទី២៥ តុលា ប្រឆាំងអំពើពុករលួយដោយធ្វើសកម្មភាពដូចការព្យាបាលបណ្តាដើមឈើដែលមានជំងឺ និងថា គេត្រូវលុបបំបាត់ចោលបណ្តាដើមឈើដែលពុក ។
ក្នុងឱកាសនៃកិច្ចប្រជុំពេញអង្គលើកទី៤ របស់គណៈកម្មាធិការកណ្តាលត្រួតពិនិត្យវិន័យរបស់បក្សកុំមុយនីស្តចិន លោកវ៉ាង គូសបញ្ជាក់ថា បក្សកុំមុយនីស្តចិនប្រឈមមុខនឹងសភាពការណ៍តឹងតែង និងស្មុគស្មាញមួយក្នុងការតស៊ូប្រឆាំងអំពើពុករលួយ ។ បក្សកុំមុយនីស្តចិននៅពុំទាន់អាចលុបបំបាត់បានទាំងស្រុងនូវប្រភពនៃអំពើពុករលួយនេះក្នុងការងារដែលគេមានការលំបាក ក្នុងការចៀសវាងមិនឱ្យវាលេចជាថ្មីទៀត ។
លោកវ៉ាងសន្យាថា បណ្តាភ្នាក់ងារត្រួតពិនិត្យវិន័យនឹងនៅតែពុះពារចំពោះការងារប្រឆាំងអំពើពុករលួយ ដោយប្រកាន់ជំហរនយោបាយម៉ឺងម៉ាត់ និងដោយមានការជឿជាក់ ព្រមទាំងមានឆន្ទៈដោះស្រាយបណ្តាបញ្ហា ។
កិច្ចប្រជុំកាលពីថ្ងៃទី២៥ តុលា របស់គណៈកម្មាធិការត្រួតពិនិត្យវិន័យបានពិភាក្សាលើការអនុវត្តផែនការសកម្មភាពនៃការកែទម្រង់ច្បាប់ក្នុងយុទ្ធនាការប្រឆាំងអំពើពុករលួយ ។ ផែនការនេះត្រូវបានអនុម័តកាលពីថ្ងៃទី២៣ តុលា កន្លងមកនេះក្នុងឱកាសនៃសម័យប្រជុំពេញអង្គលើកទី៤ របស់គណៈកម្មាធិការកណ្តាលបក្សកុំមុយនីស្តចិន នីតិកាលទី១៨ ៕
ចែករំលែកព័តមាននេះ