ទាហានតួកគី៣នាក់បានត្រូវស្លា.ប់កាលពីថ្ងៃទី២៥ តុលា ដោយសារការវាយប្រហាររបស់ពួកជនបិទមុខក្នុងតំបន់មួយដែលមានពួកឃើតភាគច្រើននាភាគអាគ្នេយ៍ប្រទេស ។ កងទ័ពតួកគី ចោទប្រកាន់ថាការវាយប្រហារដែលគ្មានក្រុមណាប្រកាសទទួលខុសត្រូវនេះជាស្នាដៃរបស់ពួកឧទ្ទាមឃើត នៃគណបក្សពលករឃើតឌីស្ថាន PKK ។
ទាហានតួកគី៣នាក់បានត្រូវស្លាប់កាលពីថ្ងៃទី២៥ តុលា ដោយសារការវាយប្រហាររបស់ពួកជនបិទមុខក្នុងតំបន់មួយដែលមានពួកឃើតភាគច្រើននាភាគអាគ្នេយ៍ប្រទេស ។ កងទ័ពតួកគី ចោទប្រកាន់ថាការវាយប្រហារដែលគ្មានក្រុមណាប្រកាសទទួលខុសត្រូវនេះជាស្នាដៃរបស់ពួកឧទ្ទាមឃើត នៃគណបក្សពលករឃើតឌីស្ថាន PKK ។
យោងតាមទីភ្នាក់ងារព័ត៌មានផ្លូវការតួកគី Anatolie ថា ទាហានទាំង៣នាក់នោះដែលពុំមែនកំពុងបំពេញបេសកកម្ម ត្រូវបានសម្លាប់តាមវិថីមួយនៃទីក្រុងយុកសឺកូវ៉ា ខេត្តហាក់ការី នៅជាប់ព្រំដែនជាមួយអីុរ៉ង់ និងអីុរ៉ាក់ ។ ពួកអ្នកវាយប្រហារបានរត់គេចខ្លួន ចំណែកប្រតិបត្តិការមួយរបស់កងកម្លាំងសន្តិសុខកំពុងធ្វើប៉ុនប៉ងតាមចាប់ខ្លួនពួកគេ ។
ក្រុម PKK ចាប់តាំងពីខែមីនា ឆ្នាំ២០១៣មក បានប្រកាសបទឈប់បាញ់គ្នាមួយ ដែលមានការគោរពជាសាកល ខណៈដែលដំណើរការសន្តិភាពមួយកំពុងចរចាជាមួយរដ្ឋាភិបាល ។ ក៏ប៉ុន្តែភាពតានតឹងកើតមានជាថ្មីរយៈពេលប៉ុន្មានសប្តាហ៍ចុងក្រោយនេះ ដោយពួកឧទ្ទាមឃើតចោទរដ្ឋាភិបាលតួកគីថា សុខចិត្តឱបដៃឈរមើល ពុំព្រមជួយដល់ពួកយុទ្ធជនឃើតដែលការពារទីក្រុងកូបានេ របស់ស៊ីរី ជាប់ព្រំដែនតួកគី ត្រូវឡោមព័ទ្ធវាយប្រហារដោយពួកជីហាដនៃអង្គការរដ្ឋអ៊ិស្លាម ។
នាយករដ្ឋមន្ត្រីតួកគី លោក អាម៉េដ ដាវូទូគ្លូ យល់ថា ពួកអ្នកវាយប្រហារកាលពីថ្ងៃទី២៥ តុលា នោះស្វះស្វែងប្រើប្រាស់សភាពការណ៍នៅក្រុងកូបានេ ដើម្បីរុញច្រានតួកគីឱ្យធ្លាក់ក្នុងភាពច្របូកច្របល់ ។ យើងនឹងចាត់វិធានការចាំបាច់នានា ដើម្បីការពារឯកភាពជាតិ និងសន្តិភាពរបស់ប្រទេស ។
ទោះបីយ៉ាងណា នាយករដ្ឋមន្ត្រីរូបនោះបញ្ជាក់ថា ការខិតខំប្រឹងប្រែងនានាដើម្បីសន្តិភាពនៅភាគអាគ្នេយ៍តួកគីត្រូវបន្ត ដោយលោកអះអាងថា ដំណើរការសន្តិភាពពុំមែនជាការធ្វើសម្បទានដល់ពួកភេរវករឡើយ ៕
ចែករំលែកព័តមាននេះ