រាជធានីភ្នំពេញ ៖ នៅសាលប្រជុំគណបក្សប្រជាជនកម្ពុជាខណ្ឌដូនពេញកាលពីព្រឹកថ្ងៃទី២៦ តុលា ២០១៤ បានរៀបចំពិធីប្រកាសតែងតាំងមន្ត្រីគណបក្សប្រជាជនកម្ពុជាខណ្ឌដូនពេញ ក្រោមអធិបតីភាពលោកគួច ចំរើន ប្រធានគណបក្សប្រជាជនកម្ពុជាខណ្ឌដូនពេញ និងលោកហែម អាន អនុប្រចាំការគណបក្សប្រជាជនកម្ពុជាខណ្ឌដូនពេញ ព្រមទាំងមានការចូលរួមពីសមាជិក សមជិកាជាង២០០នាក់។
ជាកិច្ចចាប់ផ្តើមលោកហែម អាន អនុប្រធានប្រចាំការគណបក្សប្រជាជនខណ្ឌដូនពេញបានឡើងអានសេចក្តីប្រកាសរបស់គណៈអចិន្ត្រៃយ៍គណៈកម្មាធិការគណបក្សរាជធានីភ្នំពេញសំរេចតែងតាំង លោកសុខ ពេញវុធ បច្ចុប្បន្នជាសមាជិកអចិន្ត្រៃយ៍គណៈកម្មាធិការគណបក្សខណ្ឌដូនពេញ ជាអនុប្រធាន, លោកប៉ាង សុខុន បច្ចុប្បន្នសមាជិកគណៈកម្មាធិការគណបក្សប្រជាជនខណ្ឌដូនពេញជាសមាជិកអចិន្ត្រៃយ៍ និងជាប្រធានគណៈចាត់តាំងគណបក្សប្រជាជនខណ្ឌដូនពេញជំនួសលោកហែម អាន ។
លោកឈឹម ឌីណា ត្រូវបានតែងតាំងជាប្រធានគណៈឃោសនាអប់រំគណបក្សប្រជាជនខណ្ឌដូនពេញជំនួសលោកហែម ឫទ្ធី ព្រោះផ្លាស់ប្តូភារកិច្ច ហើយគណៈអចិន្ត្រៃយ៍គណៈកម្មាធិការគណបក្សប្រជាជនរាជធានីភ្នំពេញសំរេចកែសម្រួលបំពេញបន្ថែមសមាសភាពគណៈកម្មាធិការហិរញ្ញវត្ថុគណបក្សខណ្ឌដូនពេញដែលមាន ១-លោកហែម អាន ជាប្រធាន ២-លោកសុខ គឹមហេង ជាអនុប្រធាន និង៣-លោកស្រីវណ្ណ ណាគ្រី ជាសមាជិក ។ កែសម្រួលបំពេញបន្ថែមសមាសភាពគណៈកម្មាធិការត្រួតពិនិត្យគណបក្សខណ្ឌដូនពេញមាន លោកចាន់ បណ្ឌិត លោកជឹម សុទ្ធី និងលោកអ៊ុំ សុជាតិ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ