សិង្ហបុរី ៖ តាមរបាយការណ៍របស់ក្រុមហ៊ុនជ្រើសរើសបុគ្គលិកបម្រើការងារ Robert Walters បង្ហាញថា សកម្មភាពនៃការជួលក្នុងចំណោមក្រុមហ៊ុនសេវាកម្មហិរញ្ញវត្ថុ និងធនាគារ បានកើនឡើងយ៉ាងខ្លាំងនៅក្នុងត្រីមាសចុងក្រោយនេះ ។ ក្នុងនោះទន្ទស្សន៍វិស័យការងារក្នុងតំបន់អាស៊ីអំឡុងត្រីមាសទី៣ ឆ្នាំ២០១៤ ការងារផ្នែកហិរញ្ញវត្ថុ និងគណនេយ្យផ្សព្វផ្សាយជ្រើសរើសច្រើនជាងគេកើន៥៦% ធៀបនឹងឆ្នាំទៅ ។
អ្នកជំនាញឧស្សាហកម្មថ្លែងថា ការកើនឡើងបែបនេះគឺដោយសារតែមានការងើបឡើងវិញនៃកំណើនក្រុមហ៊ុនចូលបណ្តាក់ទុនវិនិយោគថ្មីលើវិស័យគ្រប់គ្រងទ្រព្យសម្បត្តិ និងប្រាក់កម្ចី។ ចំណែកក្រុមហ៊ុនគ្រប់គ្រងទ្រព្យសម្បត្តិ Blackstone គូសបញ្ជាក់ថា ប្រទេសសិង្ហបុរីមានភាពទាក់ទាញខ្លាំងបំផុតសម្រាប់សេវាកម្មហិរញ្ញវត្ថុដោយសារតែខ្លួនមានកម្លាំងពលកម្មដែលទទួលបានការអប់រំ មានបទពិសោធន៍ផ្នែកឧស្សាហកម្មដ៏ជ្រាលជ្រៅ ច្បាប់ និងជាតំបន់គួរឱ្យទាក់ទាញសម្រាប់បុគ្គលិកអន្តរជាតិរស់នៅ ។
ទោះជាយ៉ាងណា បរិមាណនៃក្រុមហ៊ុនគ្រប់គ្រងប្រាក់កម្ចីក្នុងប្រទេសថ្មីៗនេះមានចំនួន២៨៩ ក្នុងឆ្នាំ២០១៤ កើនឡើងជាង៨០% ពីចំនួន១៥៨ ក្នុងឆ្នាំ២០១៣ ៕
ចែករំលែកព័តមាននេះ