រាជធានីភ្នំពេញ ៖ ព្រឹត្តិការណ៍ Thai Fight កាលពីយប់ថ្ងៃ២៥ តុលា នៅប្រទេសថៃ កីឡាករកម្ពុជា សេន ប៊ុនថេន បានពាំនាំមោទនភាពជូនជាតិគួរឲ្យសរសើរបន្ថែមពីលើជ័យជម្នះលើរេញអន្តរជាតិមួយនេះ ។ អ្វីដែលគេចាប់អារម្មណ៍ គឺលោកបានទទួលសិទ្ធិបង្ហាញអត្តសញ្ញាណជាតិខ្លួនខុសពីការតម្រូវរបស់កម្មវិធី ដែលធ្លាប់បង្កឲ្យមានការរិះគន់កាលពីឡើងប្រកួតលើកមុន ។
រាជធានីភ្នំពេញ ៖ ព្រឹត្តិការណ៍ Thai Fight កាលពីយប់ថ្ងៃ២៥ តុលា នៅប្រទេសថៃ កីឡាករកម្ពុជា សេន ប៊ុនថេន បានពាំនាំមោទនភាពជូនជាតិគួរឲ្យសរសើរបន្ថែមពីលើជ័យជម្នះលើរេញអន្តរជាតិមួយនេះ ។ អ្វីដែលគេចាប់អារម្មណ៍ គឺលោកបានទទួលសិទ្ធិបង្ហាញអត្តសញ្ញាណជាតិខ្លួនខុសពីការតម្រូវរបស់កម្មវិធី ដែលធ្លាប់បង្កឲ្យមានការរិះគន់កាលពីឡើងប្រកួតលើកមុន ។
សម្រាប់ការប្រកួតក្នុងព្រឹត្តិការណ៍របស់ថៃមួយនេះ មិនមានកីឡាកររបស់ប្រទេសណាមួយគេចផុតពីការពាក់ឈ្នួតលើក្បាលនិងថ្វាយបង្គំស្ដេចថៃឡើយនៅមុនពេលពួកគេម្នាក់ៗឡើងសង្វៀនប្រកួត ។ សេន ប៊ុនថេន ធ្លាប់ត្រូវថ្មោងរបស់មន្ត្រីសហព័ន្ធកីឡាប្រដាល់កម្ពុជា រឿងពាក់ឈ្នួតដូចជាជនជាតិថៃយ៉ាងចាស់ដៃ បន្ថែមលើការបរាជ័យក្រោមដៃរបស់កីឡាករបារាំងAntoine Pinto កាលពីថ្ងៃទី១៦ សីហា ។ វិលមកកាន់ការប្រកួតរបស់លោក នៅក្នុងព្រឹត្តិការណ៍Thai Fight លើកនេះវិញ សេន ប៊ុនថេន មិនត្រឹមតែអាចឈ្នះកីឡាករជប៉ុន Takeru Shimizu ដោយពិន្ទុប៉ុណ្ណោះទេ គឺបានទាំងពាក់ឈ្នួតក្រមា ឬកូនកន្សែងខុសគេបង្ហាញពីអត្តសញ្ញាណជាតិនៅលើរេញរបស់ថៃមួយនេះទៀតផង ជំនួសឲ្យឈ្នួតកងរង្វង់របស់ថៃ ដែលធ្លាប់តម្រូវឲ្យលោកពាក់លើក្បាលកាលពីលើកមុន ។ ការផ្លាស់ប្ដូររបស់លោកគឺជាការប្រយ័ត្នប្រយែងមួយថ្មី បន្ទាប់ពីភ្លាត់ឲ្យមានការវាយសំពងដោយក្រុមអ្នកគាំទ្រ និងមន្ត្រីនៅក្នុងសហព័ន្ធកីឡាប្រដាល់កម្ពុជាព្រោះតែរឿងពាក់ឈ្នួតតាមលំនាំរបស់កីឡាករថៃ ដោយមិនគិតពីអត្តសញ្ញាណជាតិរបស់ខ្មែរនោះ ។ ក្រុមអ្នកតាមដាន ហាក់មិនសូវភ្ញាក់ផ្អើលរឿងសេន ប៊ុនថេន ឈ្នះកីឡាករជប៉ុនលើរេញThai Fight ប៉ុន្មានឡើយ ប៉ុន្តែម្នាក់ៗបានសម្ដែងការត្រេកត្រអាលចំពោះទង្វើរបស់លោកអាចប្រើក្រមាធ្វើឈ្នួតក្បាលជំនួសឲ្យឈ្នួតរបស់ថៃនោះច្រើនជាង ។ នេះជាហេតុផលបញ្ជាក់ថាភាគីថៃ ដែលជាអ្នករៀបចំការប្រកួតទទួលស្គាល់អត្តសញ្ញាណរបស់ខ្មែរ និងបើកសិទ្ធិឲ្យកីឡាករកម្ពុជា បង្ហាញពីអ្វីដែលជាក្បាច់គុនខ្មែរពិតប្រាកដនៅលើសង្វៀនរបស់ខ្លួន ។
សេន ប៊ុនថេន ត្រូវបានបង្ហោះពីជោគជ័យលើកីឡាករTakeru Shimizu របស់ជប៉ុនតាំងពីការប្រកាសតាមទូរទស្សន៍ប៉ុស្ដិ៍លេខ៥កម្ពុជា និងប៉ុស្ដិ៍លេខ៣ថៃ ថាឈ្នះពិន្ទុនៅប៉ុន្មាននាទីក្រោយភ្លាមៗម្លេ៉ះ ។ ប៉ុន្តែអ្វីដែលគេចាប់អារម្មណ៍គឺនៅពេលដែលលោកអាចបង្ហាញទង់ជាតិ និងអត្តសញ្ញាណជាតិឲ្យអន្តរជាតិបានស្គាល់នៅលើរេញពិភពលោកមួយនេះ ។ ការប្រកួតដែលបានធ្វើឡើងនៅក្នុងប្រទេសថៃមួយនេះមានការចូលរួមដោយកីឡាករប្រចាំនៅក្នុងប្រទេសថៃ មកពីអាហ្វ្រិកខាងត្បូង បារាំង កម្ពុជា និងបណ្ដាប្រទេសនៅលើពិភពលោក ចំនួន៨គូស្នើនឹង១៦នាក់ ។ ការប្រកួតប្រចាំខែតុលានេះ មានគូបរទេសសុទ្ធតែសំខាន់ៗ និងប្រយុទ្ធគ្នាល្អមើលទាំងអស់បើទោះជាការប្រកួតរបស់ សេន ប៊ុនថេន និងកីឡាករជប៉ុន បានទាញអារម្មណ៍ទស្សនិកជនខ្មែរ ឲ្យផ្ដោតការតាមដានច្រើនជាងគូមកពីប្រទេសផ្សេងៗទាំងនោះ ។ ក្រុមអ្នកធ្លាប់តែរិះគន់ បង្ហាញការលើកទឹកចិត្តយ៉ាងខ្លាំង ចំពោះ សេន ប៊ុនថេន ដោយបានទាំងសរសេរបង្ហោះនៅលើហ្វេសប៊ុកថា លោកស័ក្ដិសមជាជើងខ្លាំងពិតៗ ក្នុងការបង្ហាញពីក្បាច់គុនខ្មែរ នៅលើរេញអន្តរជាតិThai Fight ទៀតផង ។ ជ័យជម្នះរបស់លោកថ្វីដ្បិតតែមានការចំអកថាឈ្នះលើកីឡាករជើងថ្មីដែលមិនទាន់មានបទពិសោធន៍ច្រើនដូចខ្លួន ក៏បានជួយឲ្យកីឡាកររូបនេះពោរពេញដោយមោទនភាពលើឆាកអន្តរជាតិ និងជួយឲ្យកម្ពុជាកាន់តែមានបរទេសស្គាល់ពីក្បាច់គុនដូនតាជាងមុនផងដែរ។
ជោគជ័យរបស់សេន ប៊ុនថេន គឺជាជោគជ័យមួយថ្មីរបស់ខ្មែរនៅលើឆាកអន្តរជាតិ បន្ទាប់ពីស៊ន សៀវម៉ី ទើបធ្វើឲ្យពិភពលោកស្គាល់ខ្មែរច្បាស់ជាងមុន តាមរយៈការដណ្ដើមបានមេដាយមាសពីព្រឹត្តិការណ៍Asian Game និងកញ្ញានូ ទឹមស្រីនាថ ទើបដណ្ដើមបានចំណាត់ថ្នាក់ប្រជាប្រិយភាពក្នុងការប្រឡងកញ្ញាឯកពិភពលោកMiss Grand International មុននេះ ៕
ចែករំលែកព័តមាននេះ