រាជធានីភ្នំពេញ ៖ ចាប់ពីម្តុំផ្សារជម្ពូវ័ន្តរហូតដល់ស្រុកថ្នល់ទទឹង ខេត្តកំពង់ស្ពឺ គេសង្កេតឃើញមានសំរាមរាយប៉ាយពាសពេញចិញ្ចឹមផ្លូវ ជាពិសេសនៅក្នុងលូទឹកសម្រាប់បង្ហូរចេញទៅក្រៅ ។ កត្តានេះ ត្រូវបានប្រជាពលរដ្ឋ មួយចំនួនលើកឡើងថា មកពីអាជីវករ និងក្រុមអគតិមួយចំនួនគិតតែផលប្រយោជន៍ខ្លួន និងមិនចេះគិតអំពីបរិស្ថានជាដើម ដែលតែងតែចោលសំរាមផ្តេសផ្តាស និងមានការយឺតយ៉ាវក្នុងការប្រមូលចោលជាដើម ។
អាជ្ញាធរ រួមទាំងប្រជាពលរដ្ឋ និងបុគ្គលិករបស់ក្រុមហ៊ុន AZ ដែលជាក្រុមហ៊ុនផ្តាច់មុខក្នុងការទទួលជួសជុល ផ្លូវជាតិលេខ៤ បានលើកឡើងដូចៗគ្នាថា បញ្ហាសំរាមគឺជាបញ្ហាចម្បងក្នុងការធ្វើឲ្យមានការកកស្ទះនូវផ្លូវទឹក ដែលហូរចេញ ហើយមួយវិញទៀត រោងចក្រ និងអគារសំណង់មួយចំនួនផងដែរ ដែលធ្វើឲ្យទឹកហូរមិនទាន់ ដោយសារតែរោងចក្រ និងអគារសំណង់ទាំងនោះ សាងសង់ហើយមិនមានប្រព័ន្ធលូបង្ហូរទឹកឲ្យបានត្រឹមត្រូវ និងបច្ចេកទេសច្បាស់លាស់ ។
ថ្លែងប្រាប់អ្នកសារព័ត៌មាន កាលពីថ្ងៃទី២៥ ខែតុលា ឆ្នាំ២០១៤ នេះ នាយកសាលាវិទ្យាល័យជម្ពូវ័ន្ត លោក លឹម ចន្ថា បានលើកឡើងថា សាលារបស់លោកក៏មានការលិចលង់ច្រើនផងដែរ។ លោកបានបញ្ជាក់ថា ផ្លូវទឹកហូរចេញមានការរអាក់រអួលដោយសារតែបងប្អូនមួយចំនួនគាត់បានចោលសំរាម ដោយមិនចេះគិត ហើយខាងអាជ្ញាធរ និងក្រុមហ៊ុនអេស៊ិត គេបានកាយប្រឡាយហើយ តែនៅ មិនឈ្នះដែលធ្វើឲ្យសាលានៅតែលិចលង់ពេលផ្លៀងម្តងៗ ។
លោកនាយកសាលារួបនោះបានបន្តទៀតថា ប្រសិនបើទឹកនៅតែលិចដដែល វានឹងបណ្តាលឲ្យមានផលប៉ះពាល់ដល់អគារសាលា ហើយមួយវិញទៀត ក៏មានផលប៉ះពាល់ដល់សិស្សានុសិស្សផងដែរ ខណៈដែលពួកគាត់ ដល់ពេលចូលរៀនវិញនោះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ