រាជធានីភ្នំពេញ ៖ ព្រឹត្តិការណ៍ប្រកួតកីឡាអាគ័រត្លុង ជ្រើសរើសជើងឯកប្រចាំឆ្នាំ២០១៤ ដែលជាការរៀបចំរបស់ក្រសួងអប់រំ យុវជន និងកីឡា សហការជាមួយសហព័ន្ធកីឡាទ្រីយ៉ាត្លុងកម្ពុជា បានធ្វើពិធីបិទជាផ្លូវការនៅព្រឹកថ្ងៃទី២៦ តុលា ឆ្នាំ២០១៤ នេះ នៅអាងហែលទឹក និងបរិវេណនៃពហុកីឡដ្ឋានជាតិ។
រាជធានីភ្នំពេញ ៖ ព្រឹត្តិការណ៍ប្រកួតកីឡាអាគ័រត្លុង ជ្រើសរើសជើងឯកប្រចាំឆ្នាំ២០១៤ ដែលជាការរៀបចំរបស់ក្រសួងអប់រំ យុវជន និងកីឡា សហការជាមួយសហព័ន្ធកីឡាទ្រីយ៉ាត្លុងកម្ពុជា បានធ្វើពិធីបិទជាផ្លូវការនៅព្រឹកថ្ងៃទី២៦ តុលា ឆ្នាំ២០១៤ នេះ នៅអាងហែលទឹក និងបរិវេណនៃពហុកីឡដ្ឋានជាតិ។
ក្នុងឧកាសបិទកម្មវិធីនេះមានការចូលរួមពីលោក ប៊ូ ជុំសេរី អនុរដ្ធលេខាធិការក្រសួងអប់រំយុវជន និងកីឡា ព្រមទាំងមន្ត្រីពាក់ព័ន្ធ និងកីឡាករ កីឡាការិនីជាច្រើននាក់ទៀត។
សម្រាប់វិញ្ញាសានៃការប្រកួតចែកចេញជា៣ គឺ ១-វិញ្ញាសាអាគ័រត្លុងប្រភេទអាយុក្រោម១៨ឆ្នាំ (បុរស-នារី) អត្តពលិកត្រូវហែលទឹកចម្ងាយ១៥០ម៉ែត្រ និងរត់ចម្ងាយ២.៦០០ម៉ែត្រ ។ ២-វិញ្ញាសាអាគ័រត្លុងប្រភេទអាយុ១៨ឆ្នាំឡើង (បុរស) អត្តពលិកត្រូវហែលទឹកចម្ងាយ២៥០ម៉ែត្រ និងរត់ចម្ងាយ៤.០០០ម៉ែត្រ និង៣-វិញ្ញាសាអាគ័រត្លុង មិនកំណត់អាយុ (បុរស) អត្តពលិកត្រូវហែលទឹកចម្ងាយ៧៥០ម៉ែត្រ និងរត់ចម្ងាយ៥០០០ម៉ែត្រ។
គួរបញ្ជាក់ផងដែរថា ការរៀបចំព្រឹត្តិការណ៍នេះ ធ្វើឡើងដើម្បីពង្រឹងសមត្ថភាពកីឡាករ-កីឡាការិនីរបស់សហព័ន្ធកីឡាទ្រីយ៉ាត្លុង ឱ្យមានការរីកចម្រើនថែមមួយកម្រិតទៀត មុនចូលរួមប្រកួតព្រឹត្តិការណ៍កីឡាអាស៊ានហ្គេមនៅប្រទេសសិង្ហបុរី នាឆ្នាំ២០១៥ខាងមុខនេះ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ