រាជធានីភ្នំពេញ ៖ បុរសពីរនាក់បានរងរបួសបាក់ភ្លៅស្តាំ ធ្ងន់ធ្ងរ បន្ទាប់ពីជិះម៉ូតូទៅបុករថយន្តបើកឆ្លងផ្លូវពេញទំហឹង កាលពីវេលាម៉ោង ៤ និង៥០នាទីទៀបភ្លឺ ថ្ងៃទី ២៦ តុលា ២០១៤ នៅចំណុចក្បែរក្តាន់ពីរ មហាវិថីសហព័ន្ធរុស្ស៊ី ស្ថិតក្នុងសង្កាត់ស្រះចក ខណ្ឌដូនពេញ ។
រាជធានីភ្នំពេញ ៖ បុរសពីរនាក់បានរងរបួសបាក់ភ្លៅស្តាំ ធ្ងន់ធ្ងរ បន្ទាប់ពីជិះម៉ូតូទៅបុករថយន្តបើកឆ្លងផ្លូវពេញទំហឹង កាលពីវេលាម៉ោង ៤ និង៥០នាទីទៀបភ្លឺ ថ្ងៃទី ២៦ តុលា ២០១៤ នៅចំណុចក្បែរក្តាន់ពីរ មហាវិថីសហព័ន្ធរុស្ស៊ី ស្ថិតក្នុងសង្កាត់ស្រះចក ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសពីរនាក់ជិះម៉ូតូ សង់កូរ៉េ ពណ៌ក្រហម មួយគ្រឿងពាក់ស្លាកលេខស្វាយរៀង1D-4450 ដោយធ្វើដំណើរយ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីកើត ទៅលិច ខណៈមកដល់ចំណុចកើតហេតុក៏បានបើកទៅបុករថយន្តទួរីស ពណ៌ខៀវ អត់ចាំស្លាកលេខ បើកទិសដៅបញ្រ្ចាស់គ្នា បត់ឆ្លងផ្លូវពេញទំហឹងបោកម៉ូតូដួលទៅលើផ្លូវបណ្តាលឱ្យបុរសជិះម៉ូតូទាំងពីរនាក់រងរបួសធ្ងន់ ដោយបាក់ភ្លៅខាងស្តាំទាំងពីរនាក់ដេកដួលក្នុងថ្លុកឈាម ហើយរថយន្តបានបន្ថែមល្បឿន បើកគេចខ្លួនបាត់ស្រមោល ។
ក្រោយពេលកើតហេតុជនរងគ្រោះទាំងពីរនាក់ត្រូវបានគេបញ្ជូនទៅសង្រ្កោះនៅមន្ទីរពេទ្យ ចំណែកម៉ូតូត្រូវទាំងត្រូវសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលស្រះចក ។
ចែករំលែកព័តមាននេះ